सलग तीन दिवस सुट्ट्या आल्याने अनेकांनी पर्यटनासाठी मुंबईबाहेर धाव घेतली असून यामुळे मुंबई- पुणे जुन्या महामार्गावर वाहतूक कोंडी झाली. सकाळी महामार्गावर वाहनांच्या रांगा लागल्या होत्या. दुपारनंतर वाहतूक कोंडी कमी होत गेली. तर पुणे- सातारा मार्गावरही वाहतुकीचा खोळंबा झाला आहे. शुक्रवारी प्रजासत्ताक दिनानिमित्त सुट्टी असून शनिवार आणि रविवारी देखील कार्यालयांना सुट्टी आहे. या लाँग वीक एंडचा आनंद लुटण्यासाठी अनेकांनी मुंबईबाहेर धाव घेतली. यामुळे मुंबई- पुणे जुन्या महामार्गावर वाहतुक कोंडी झाली आहे. शेडूंग टोलनाक्याजवळ वाहनांच्या रांगा लागल्या होत्या. तर मुंबई- एक्स्प्रेस वेवरदेखील वाहतूक कोंडी झाल्याचे समजते. पुण्याकडे जाण्याकडे मार्गावर वाहनांच्या रांगा लागल्या होत्या. खालापूर टोलनाक्याजवळ वाहतूक कोंडी झाली होती. पुणे- सातारा महामार्गावरही वाहतूक कोंडी झाल्याचे वृत्त आहे.
