29 May 2020

News Flash

विद्यापीठाच्या निवडणुकांची तयारी थंडावली

नवा विद्यापीठ कायदा आणण्याची शासनाची तयारी सुरू असून त्यासाठी निवडणुका पुढे ढकलण्याचे शासनाच्या विचाराधीन असल्याचे विद्यापीठाच्या अधिकार मंडळातील सदस्यांनी सांगितले.

| July 15, 2015 03:00 am

Ganesh visarjan : पुणे विद्यापीठाकडून अनंत चतुर्दशीपूर्वी त्यांच्या अखत्यारित येणाऱ्या सर्व महाविद्यालयांसाठी एक आदेश जारी करण्यात आला होता.

विद्यापीठाच्या अधिकार मंडळांच्या निवडणुकांच्या तयारीने वेग घेतला तोच आता पुन्हा एकदा निवडणुका थंडावल्या आहेत. नवा विद्यापीठ कायदा आणण्याची शासनाची तयारी सुरू असून त्यासाठी निवडणुका पुढे ढकलण्याचे शासनाच्या विचाराधीन असल्याचे विद्यापीठाच्या अधिकार मंडळातील सदस्यांनी सांगितले. निवडणुका होईपर्यंत पूर्वीच्या अधिकार मंडळांनाच मुदतवाढ देण्याबाबत अद्याप काही निश्चित झाले नसले, तरी बहुतेक सदस्य एक वर्ष बोनस मिळाल्याच्या आनंदात आहेत.
सावित्रीबाई फुले पुणे विद्यापीठाच्या अधिकार मंडळांची मुदत ऑगस्ट अखेपर्यंत संपत आहे. त्या पाश्र्वभूमीवर ऑगस्ट महिन्यापासून विद्यापीठाच्या विविध अधिकार मंडळाच्या निवडणुका सुरू होणार होत्या. विद्यापीठानेही निवडणूक कक्ष स्थापन करून निवडणुकांची तयारी सुरू केली होती. आतापर्यंत पदवीधारांसाठी साधारण १ लाख मतदारांची नोंदणी झाली होती, तर शिक्षक आणि प्राचार्य प्रतिनिधींच्या निवडणुकांची नोंदणीही सुरू करण्यात आली होती. अधिकार मंडळांच्या आजी-माजी सदस्यांनाही मोर्चे बांधणीला सुरुवात केली होती. या वर्षी सर्वपक्षीय पॅनेल्स बरोबरच काही पक्षांची पॅनेल्सही निवडणुकांमध्ये सहभागी होण्याची चर्चा होती. त्या विद्यापीठांमध्ये निवडणुकांचे वातावरण रंगू लागले होते. मात्र, आता निवडणुकांची तयारी थंडावली आहे. निवडणुका पुढे ढकलण्यात येण्याचे संकेत शासनाकडून मिळाल्यामुळे विद्यापीठ प्रशासन आणि संघटनांचा विरस झाला आहे.
शिक्षणमंत्री विनोद तावडे यांनी नुकतीच राज्यातील सर्व विद्यापीठांच्या कुलगुरूंची बैठक घेतली. त्या बैठकीत निवडणुका पुढे ढकलण्याचे संकेत देण्यात आले. शासन सध्या नवा विद्यापीठ कायदा आणण्याच्या प्रयत्नात आहे. नव्या कायद्यानुसार अधिकार मंडळांची रचना, प्रतिनिधित्व, निवडणुकांची पद्धत यामध्ये काही बदल होण्याची शक्यता आहे. त्यामुळे नवा कायदा आल्यानंतरच विद्यापीठांच्या निवडणुका घेण्याचे शासनाच्या विचाराधीन आहे. अद्यापही याबाबत शासनाकडून अधिकृत सूचना आली नसली, तरीही निवडणुकांची तयारी थांबवण्यात आली आहे. नवी अधिकार मंडळे येईपर्यंत जुन्याच अधिकार मंडळांना वर्षभरासाठी मुदतवाढ देण्याचेही शासनाच्या विचाराधीन आहे. त्यामुळे निवडणुकांची तयारी करणाऱ्या उमेदवारांचा विरस झाला असला, तरी जुने सदस्य मात्र बोनस मिळाल्याच्या खुशीत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2015 3:00 am

Web Title: university election postpone
टॅग Election
Next Stories
1 पुण्यातील सायबर गुन्ह्य़ांमध्ये वाढ ; शिक्षेचे प्रमाण मात्र कमीच
2 महाविद्यालयांची संकेतस्थळे जुनाटच
3 लैंगिकतेविषयी मराठीतून माहिती देणारे संकेतस्थळ सुरू
Just Now!
X