पिंपरी-चिंचवडमध्ये भाजपा आमदार महेश लांडगे यांनी करोना नियमांचं उल्लंघन केल्याचं एका व्हिडिओद्वारे समोर आले आहे. ६ जून रोजी त्यांच्या मुलीचा विवाह सोहळा असून त्यापूर्वी काल (रविवारी) झालेल्या मांडव सोहळ्यात महेश लांडगे यांनी भंडारा उधळून डान्स केल्याचं समोर आलं आहे. दरम्यान, यावेळी उपस्थित असलेल्या अनेकांनी मास्क देखील लावला नव्हता. कार्यक्रमामध्ये उपस्थित असलेल्या व्यक्तींनी गर्दी करत जल्लोष केला. तसेच, यावेळी वाजंत्री, बैल जोड्यांच देखील आयोजन करण्यात आलं होतं. यावेळी आमदारा महेश लांडगे यांना खांद्यावर घेऊन वाजंत्रीच्या ठेक्यावर कार्यकर्त्यांनी एकच ठेका धरला होता. तर, आजूबाजूला भंडाऱ्याची उधळण होत होती. काही सेकंदाच्या डान्स मोबाईलमध्ये टिपण्यासाठी कार्यकर्त्यांनी गर्दी केली होती. पिंपरी चिंचवडमधील भाजपा आमदार महेश लांडगे यांच्या मुलीचा ६ जून रोजी विवाह असून, त्याअगोदर झालेल्या मांडव सोहळ्यात त्यांनी कार्यकर्त्यांसह वाजंत्रीच्या तालावर डान्स केला. यावेळी, अनेकजण विनामास्क होते व सोशल डिस्टन्सिंगचाही फज्जा उडाला होता.#Maharashtra #PimpriChinchwad #COVID19 pic.twitter.com/o7sSwoXkDt — LoksattaLive (@LoksattaLive) May 31, 2021 यावेळी करोना नियमांचे उल्लंघन झाल्याचं पाहायला मिळालं. तर, सोशल डिस्टसिंगचा देखील फज्जा उडाला होता. त्यामुळे आता पोलीस आयुक्त कृष्णप्रकाश यासंबंधी काय कारवाई करणार? असा प्रश्न सर्वसमान्यांमधून उपस्थित होत आहे.
