व्होल्वोची ‘व्ही ४० क्रॉस कन्ट्री’ ही मोटार पुण्यातील ‘प्लॅनेट एक्सक्लुझिव’ या शोरूममध्ये शनिवारी दाखल झाली.‘व्ही ४० क्रॉस कन्ट्री’ ही गाडी प्रीमियम कॉम्पॅक्ट प्रकारातील व्होल्वोची पहिली क्रॉस कंट्री गाडी आहे. २ लिटर क्षमतेचे पाच सिलेंडर इंजिन, ६ स्पीड ऑटोमॅटिक ट्रान्समिशन, १५० हॉर्स पॉवर हे या गाडीचे वैशिष्टय़ आहे. ‘व्ही ४० क्रॉस कन्ट्री’ पुण्यातील एक्स शोरूम किंमत २८ लाख ५० हजार रुपये आहे.यावेळी व्होल्वो इंडियाचे व्यवस्थापकीय संचालक टॉमस एर्नबर्ग यांनी सांगितले, ‘‘डिझाईन, फिचर्स, तंत्रज्ञान आणि सुरक्षा अशा सगळ्याच पातळीवर व्ही ४० क्रॉस कंट्री उत्तम आहे. या गाडीमध्ये सुरक्षेच्या दृष्टीने विशेष प्रणालींची निर्मिती करण्यात आली आहे. अपघात टळावेत किंवा अपघात झाल्यास आघात कमी व्हावा, या दृष्टीने या गाडीची रचना करण्यात आली आहे.’’ भारतातील बाजारपेठ २०२० पर्यंत अधिक पक्की करण्याच्या दृष्टीने प्रयत्न करण्याचे संकेतही एर्नबर्ग यांनी यावेळी दिले.
