25 February 2021

News Flash

तालुका पातळीवरही होणार पाण्याच्या अद्ययावत तपासण्या

पिण्याच्या पाण्याच्या सुरक्षिततेसाठीच्या अद्ययावत तपासण्या आता तालुका पातळीवरही होऊ शकणार आहेत. राज्याची सार्वजनिक आरोग्य प्रयोगशाळा (एसपीएचएल) पुण्यात आहे. त्याअंतर्गत ३४ जिल्हास्तरीय तपासणी प्रयोगशाळा आहेत.

| June 12, 2013 02:40 am

पिण्याच्या पाण्याच्या सुरक्षिततेसाठीच्या अद्ययावत तपासण्या आता तालुका पातळीवरही होऊ शकणार आहेत. राज्यात तालुका पातळीवर १३० उपविभागीय प्रयोगशाळा सुरू करण्यात आल्या असून आणखी ८ उपविभागीय प्रयोगशाळा लवकरच कार्यरत होणार आहेत.
राज्याची सार्वजनिक आरोग्य प्रयोगशाळा (एसपीएचएल) पुण्यात आहे. त्याअंतर्गत ३४ जिल्हास्तरीय तपासणी प्रयोगशाळा आहेत. १ मे २०१३ पासून त्यात या नवीन उपविभागीय प्रयोगशाळांची भर पडल्याने तालुका पातळीवरही अधिक अद्ययावत पद्धतींनी पाण्याच्या तपासण्या होऊ शकणार आहेत. राज्य सार्वजनिक आरोग्य प्रयोगशाळेचे उपसंचालक डॉ. आर. एम. शिंदे यांनी ही माहिती दिली.
राज्यात ३५१ लघु प्रयोगशाळा कार्यरत होत्या. यातील काही लघु प्रयोगशाळांचे रुपांतर उपविभागीय प्रयोगशाळांमध्ये करण्यात आले आहे. पाण्याच्या अणुजैविक (बॅक्टेरिओलॉजिकल) आणि रासायनिक तपासण्या या प्रयोगशाळांत होणार आहेत. या व्यतिरिक्त विरंजक चूर्णाच्या (ब्लीचिंग पावडर) तपासण्याही येथे होऊ शकणार आहेत. विशेष म्हणजे नंदुरबार, हिंगोली, वाशिम आणि गोंदिया येथेही प्रयोगशाळा स्थापन झाल्या आहेत. या पूर्वी या ठिकाणी तपासण्यांची सोय उपलब्ध नसल्यामुळे तपासण्यांसाठी घेतलेले नमुने अनुक्रमे धुळे, परभणी, अकोला आणि भंडारा येथे पाठवावे लागत.       

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 12, 2013 2:40 am

Web Title: water examination now also on taluka level
Next Stories
1 अधिकारी आणि ठेकेदारांच्या संगनमतातूनच जलसंपदा विभागात भ्रष्टाचार- नेवरेकर
2 जहाँगीर रुग्णालयात धमनी बंद होण्यावरील शस्त्रक्रिया यशस्वी
3 खराडीतील पाच कोटींच्या रस्त्याबद्दल काँग्रेसला संशय
Just Now!
X