24 February 2021

News Flash

जलवाहिनी नादुरुस्त………..

लष्कर जलकेंद्र ते खराडी अंतर्गत टाकण्यात आलेली एक हजार मिलिमीटर व्यासाच्या जलवाहिनीतून पाण्याची गळती सुरू झाली आहे

पूर्व, पश्चिम भागातील पाणीपुरवठा उद्या बंद

महापालिकेची चांदणी चौकातील जलवाहिनी नादुरुस्त झाल्यामुळे आणि लष्कर जलकेंद्र ते खराडी अंतर्गत टाकण्यात आलेल्या जलवाहिनीतून गळती होत असल्यामुळे शहरातील पूर्व-पश्चिम भागातील पाणीपुरवठा गुरुवारी (५ सप्टेंबर) बंद राहणार आहे. या भागांना दुसऱ्या दिवशी शुक्रवारी (६ सप्टेंबर) उशिरा आणि कमी दाबाने पाणीपुरवठा होणार असल्याचे महापालिकेच्या पाणीपुरवठा विभागाकडून कळविण्यात आले आहे.

येथील टाकीवरील मुख्य जलवाहिनी नादुरुस्त झाली आहे. जलवाहिनी दुरुस्तीची कामे हाती घेण्यात आल्यामुळे वारजे जलकेंद्र येथील पंपिंग बंद ठेवावे लागणार आहे. त्यामुळे भुसारी कॉलनी, परमहंसनगर, पाषाण, बावधनसह अन्य परिसराचा पाणीपुरवठा गुरुवारी (५ सप्टेंबर) बंद ठेवण्यात येणार असल्याचे महापालिकेच्या पाणीपुरवठा विभागाकडून कळविण्यात आले आहे.

उजवी-डावी भुसारी कॉलनी, परमहंसनगर, भूगाव, बावधन, पाषाण, शास्त्रीनगर, बावधन, सूस टाकी, पाषाण गावठाण, सुतारवाडी, बालेवाडी, म्हाळुंगे, विधाते वस्ती, मरकुटे वस्ती, म्हाळुंगे गाव, सूस गाव, सूस रस्ता, मोहननगर आणि परिसराचा पाणीपुरवठा गुरुवारी बंद राहणार आहे.

लष्कर जलकेंद्र ते खराडी अंतर्गत टाकण्यात आलेली एक हजार मिलिमीटर व्यासाच्या जलवाहिनीतून पाण्याची गळती सुरू झाली आहे. त्यामुळे गळती थांबविण्याचे काम हाती घेण्यात आले असून हे काम गुरुवारी होणार असल्यामुळे खराडी, चंदननगर, वडगांवशेरी, सोमनाथनगर, गणेशनगर, खुळेवाडी, रक्षकनगर, चौधरी वस्ती, संघर्ष चौक, थिटे वस्ती, जुना मुंढवा बायपास रस्ता, खराडी बायपास, मारुतीनगर, ईऑन आयटी पार्क परिसर, राजाराम पाटीलनगर, झेन्सार आयटी परिसर, साईनाथनगर, माळवाडी, मतेनगर या भागातील पाणीपुरवठा गुरुवारी बंद राहणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 4, 2019 4:47 am

Web Title: water line no correction water supply closed akp 94
Next Stories
1 मुंबई, पुण्यात सीसीटीव्हीमुळे ११०० हून अधिक गुन्ह्य़ांची उकल
2 विकास आराखडय़ावर व्यापक चर्चा
3 योग्य उच्चार आणि पारंपरिक चालीतील आरत्या ‘ऑनलाइन’
Just Now!
X