पश्चिम घाट (सह्याद्री) व कोकण परिसरातील विविध पर्यावरण कार्यकर्ते, संस्था व निसर्गप्रेमींसाठी ४ एप्रिल रोजी एक दिवसीय कार्यशाळेचे आयोजन करण्यात आले आहे. ही कार्यशाळा गोखलेनगर येथील नालंदा बुद्ध विहारात (ओम मार्केटच्या मागे) होणार आहे.या कार्यशाळेत पश्चिम घाटाचे संरक्षण-संवर्धन, या परिसरातील बेकायदेशीर विकास प्रकल्प, डॉ. गाडगीळ व डॉ. कस्तुरीरंगन अहवालांची सद्य:स्थिती, डॉ. गाडगीळ अहवालाबाबतची वस्तुस्थिती, जैवविविधता मंडळ, वृक्षप्राधिकरण समिती बाबतची उदासीनता, अयोग्य अंमलबजावणी, पर्यावरण व वन्यजीव कायद्यांमध्ये होणारा राजकीय हस्तक्षेप व अयोग्य बदल, भूसंपादन कायदा, स्थानिक पर्यावरणविषयक प्रश्न व उपाय यांवर सविस्तर चर्चा करण्यात येणार आहे. या कार्यशाळेत सहभागी होण्यासाठी विनोद जैन, पुणे (९४२२३०५७३५, ७५८८८६७२६३) आणि डॉ. मधुकर बाचुळकर, कोल्हापूर (९७३०३९९६६८) यांच्याशी संपर्क साधण्याचे आवाहन करण्यात आले आहे.