पुण्यातील कात्रज येथील संतोषनगर येथे शुक्रवारी सकाळी धारदार शस्त्राने वार करुन हत्या करण्यात आल्याची घटना घडली आहे. चाणुर चमन खान (वय ३२  संतोषनगर) असे या मृत तरुणाचे नाव आहे. या हत्येचे नेमके कारण अद्याप समजू शकले नाही, अशी माहिती भारती विद्यापीठ पोलिसांनी दिली.

पोलिसांनी दिलेल्या माहितीनुसार, गुलटेकडी येथील पाण्याच्या टाकीच्या परिसरात मृतदेह असल्याची माहिती नागरिकांना पोलिसांना दिली. यानंतर घटनास्थळी पोहोचल्यानंतर  चाणुर चमन खान याचा मृतदेह आढळला. त्याच्या कपाळावर आणि डोक्यावर धारदार शस्त्राने वार करण्यात आले होते. या घटनेतील आरोपीचा शोध घेण्यात येत आहे.