पुण्यातील कर्वेनगर परिसरामध्ये एका तरुणावर कोयत्याने वार करुन खून झाल्याची घटना सोमवारी रात्री नऊच्या सुमारास घडली आहे. या खूनाचा तपास अलंकार पोलिस करीत आहे. सिद्धार्थ कलवडी (वय २५, रा. लक्ष्मीनगर वसाहत, गल्ली नंबर ३, डहाणूकर कॉलनी) असे खून झालेल्या तरुणाचे नाव आहे.

पोलिसानी दिलेल्या माहितीनुसार, कोथरूड येथील डहाणूकर कॉलनीतील लक्ष्मीनगरमध्ये सिद्धार्थ कलवडी या तरुणावर सोमवारी रात्री राहुल सरकारसह तीन ते चार जणांनी कोयत्याने सपासप वार केले. या हल्ल्यात सिद्धार्थ गंभीर जखमी झाल्याने त्याला तातडीने जवळील रूग्णालयात दाखल केले असता. डॉक्टरांनी त्याला मृत घोषित केले. कोणत्या कारणावरून हत्या झाली आहे हे अद्याप पर्यंत समजू शकले नसून संशयित आरोपीचा शोध घेण्यात येत असल्याचे पोलिसांनी सांगितले.

First Published on January 29, 2019 8:56 am