लोकसत्ता प्रतिनिधी

पिंपरी: दहावीच्या परीक्षेत ८० टक्क्यांपेक्षा जास्त गुण मिळविणाऱ्या पिंपरी-चिंचवड महापालिकेच्या माध्यमिक विद्यालयातील १७० गुणवंत विद्यार्थ्यांना आणि १२ दिव्यांग विद्यार्थ्यांना महापालिकेमार्फत बक्षीस देऊन गौरविण्यात येणार आहे. ९० टक्क्यांपेक्षा अधिक गुण मिळवत १९ विद्यार्थी एक लाखाच्या बक्षिसाचे मानकरी ठरले आहेत.

Dates of 299 exams of Mumbai University summer session announced Mumbai
मुंबई विद्यापीठाच्या उन्हाळी सत्रातील २९९ परीक्षांच्या तारखा जाहीर; दोन लाखांहून अधिक विद्यार्थी परीक्षार्थी
solhapur university
सोलापूर विद्यापीठाचा २९८.२५ कोटींचा अर्थसंकल्प; तीन अध्यासन केंद्रांची होणार उभारणी
Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप
Pm modi meeting at Yavatmal
यवतमाळ : पंतप्रधानांची सभा, रस्ते बंद, विद्यार्थ्यांची गैरसोय…

या विद्यार्थ्यांच्या बक्षिसांपोटी महापालिका चार कोटी रुपये खर्च करणार आहे. महापालिकेच्या १८ माध्यमिक शाळा आहेत. या शाळांमधून १ हजार ७८० विद्यार्थी परीक्षेला बसले होते. दहावीच्या परीक्षेत ८० टक्क्यांपेक्षा जास्त गुण संपादन करणाऱ्या गुणवंत विद्यार्थ्यांना आणि दिव्यांग विद्यार्थ्यांना महापालिकेमार्फत रोख रकमेच्या स्वरूपात बक्षीस देण्यात येते. सन २००८ पासून ही योजना महापालिकेतर्फे राबविण्यात येत आहे. सन २०१५-१६ या शैक्षणिक वर्षापासून या योजनेत व धोरणात बदल करण्यात आला.

आणखी वाचा-पुणे लोकसभेसाठी राष्ट्रवादी काँग्रेसकडून पुन्हा तयारी? घेतला ‘हा’ निर्णय

त्यानुसार, महापालिकेच्या १८ माध्यमिक विद्यालयांतील ९० टक्क्यांपेक्षा जास्त गुण घेणाऱ्या १९ विद्यार्थ्यांना प्रत्येकी एक लाख रुपये बक्षीस देण्यात येणार आहे. ८५ ते ८९.९९ टक्क्यांपर्यंत गुण मिळविणाऱ्या ५९ विद्यार्थ्यांना प्रत्येकी ५० हजार, तर ८० ते ८४.९९ टक्के गुण मिळविणाऱ्या ८० विद्यार्थ्यांना प्रत्येकी २५ हजार रुपये बक्षीस मिळणार आहे. ३५ टक्क्यांपेक्षा जास्त गुण मिळविणाऱ्या आणि ४० टक्के अपंगत्व असलेल्या १२ दिव्यांग विद्यार्थ्यांना प्रत्येकी ५० हजार रुपये बक्षीस देण्यात येणार आहे.