पुणे : दागिने घडविण्यासाठी दिलेले ४२ लाखांचे सोने घेऊन कारागीर पसार झाल्याची घटना उघडकीस आली. सराफ व्यावसायिकांची फसवणूक केल्याप्रकरणी एका कारागिराविरुद्ध फरासखाना पोलिसांनी गुन्हा दाखल केला.रमेश शंकर माईती (सध्या रा. रविवार पेठ, मूळ रा. विष्णूबुराह, मेदनीपूर, पश्चिम बंगाल) असे पसार झालेल्या कारागिराचे नाव आहे. याबाबत सराफ व्यावसायिक मयूर प्रफुल्लचंद्र सोनी (वय ३५, रा. रास्ता पेठ) यांनी फरासखाना पोलीस ठाण्यात फिर्याद दिली आहे. सोनी सराफ व्यावसायिक आहेत. आरोपी रमेश माईती याला सराफ व्यावसायिक सोनी आणि जाॅयनाथ माईती यांनी ४२ लाख २१ हजार रुपयांचे सोने दागिने घडविण्यासाठी दिले होते. सोने दिल्यानंतर आरोपी रमेशने त्यांना दागिने घडवून दिले नाहीत.सोनी आणि माईती यांनी विचारणा केली, तेव्हा आरोपी रमेश सोने घेऊन पसार झाल्याचे उघडकीस आले. सहायक पोलीस निरीक्षक वैभव गायकवाड तपास करत आहेत.
