मोटारीच्या धडकेने अपघातात मृत्युमुखी पडलेल्या लष्करी जवानाच्या कु टुंबीयांना बासष्ट लाख रुपयांची नुकसानभरपाई मिळणार आहे. तसे आदेश विशेष न्यायाधीश आणि मोटार अपघात न्यायप्राधिकरणाचे सदस्य एस. जे. काळे यांनी दिले आहेत. न्यायालयाच्या निर्णयामुळे लष्करी जवानांच्या कुटुंबीयांना दिलासा मिळाला आहे. जवानाच्या सेवेचा कालावधी आणि सेवेत मिळणारी पदोन्नती या बाबी विचारात घेऊन न्यायालयाने विमा कंपनीला नुकसान भरपाई देण्याचे आदेश दिले आहेत.

या बातमीसह सर्व प्रीमियम कंटेंट वाचण्यासाठी साइन-इन करा

रमेश ठकाराम खणकर (वय ३४, रा. शिरूर) असे अपघाती मृत्यू झालेल्या जवानाचे नाव आहे. रमेश हे एक महिन्याच्या सुट्टीवर कुटुंबीयांना भेटण्यासाठी आले होते. ते ४ मार्च २०१४ रोजी दुचाकीवरून पुणे-नगर रस्त्याने निघाले होते. त्या वेळी मोटारीने त्यांना धडक दिली. गंभीर जखमी झालेल्या खणकर यांना तातडीने रुग्णालयात दाखल क रण्यात आले होते. उपचारांपूर्वीच ते मरण पावले होते. रमेश यांच्या पश्चात पत्नी, पाच वर्षांचा मुलगा, दोन वर्षांची मुलगी, आई-वडील असा परिवार आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: 62 lakh compensation to the families of soldiers
First published on: 22-12-2016 at 02:15 IST