पुणे : जिल्ह्यातील १७६ ग्रामपंचायतीसाठी रविवारी शांतेतमध्ये मतदान झाले. सरपंच आणि सदस्य पदाच्या निवडणुकीसाठी ६५१ मतदान केंद्रांवर रविवारी सरासरी ८१ टक्के मतदान झाले. निवडणुकीसाठी १ हजार २२९ उमेदवार रिंगणात असून निवडणुकीसाठीची मतमोजणी मंगळवारी (२० डिसेंबर) होणार आहे.

दरम्यान, जिल्ह्यात सर्वाधिक मतदान मुळशीमध्ये झाले असून ८५.८२ टक्के मतदान झाले. भोरमध्ये ८५.०५ टक्के, बारामतीमध्ये ८४.९३टक्के तर दौंड ८३.९४ टक्के मतदान  झाल्याची माहिती जिल्हा प्रशासनाकडून देण्यात आली. एकूण मतदारांपैकी १ लाख १८ हजार २४४ महिलांनी तर १ लाख २६ हजार ९२१ पुरुष मतदारांनी मतदानाचा हक्क बजावला.

lok sabha election 2024, nagpur district collector, offices, education institutes
लोकसभा निवडणुकीसाठी मनुष्यबळ, जिल्हाधिकाऱ्यांच्या आवाहनाला ६७० कार्यालय-शाळांचा खो
yavatmal pm narendra modi marathi news, yavatmal lok sabha election marathi news, yavatmal bjp marathi news, yavatmal eknath shinde shivsena marathi news,
मोदींच्या सभेने महायुतीचा उत्साह वाढला, यवतमाळ मतदारसंघ भाजप की शिंदे गटाकडे ?
manoj jarange
मविआकडून जालन्यातून लोकसभा निवडणूक लढवणार? मनोज जरांगे पाटील म्हणाले…
mumbai University Election
मुंबई विद्यापीठ अधिसभा निवडणूक : ५० टक्के पदवीधरांचे मतदार अर्ज अपात्र

हेही वाचा >>> पुणे: जिल्ह्यातील १७६ ग्रामपंचायतीसाठी शांततेत मतदान; मंगळवारी मतमोजणी

जिल्ह्यातील १२ तालुक्‍यातील १७६ ग्रामपंचायतींसाठी एकूण ३ लाख ३ हजार ५८९ मतदार आहेत. त्यापैकी रविवारी दुपारी साडेतीन वाजेपर्यंत २ लाख ४५ हजार १६६मतदारांनी मतदानाचा हक्क बजावला.मतदानासाठी मतदान केंद्रांवर सकाळपासून गर्दी झाली होती. सकाळी साडे सात वाजता मतदानास सुरुवात झाली. सायंकाळी  साडेपाच वाजता मतदानाची प्रक्रिया संपली. दुपारी साडेतीन पर्यंत ७१ टक्के मतदानाचा हक्क बजावला होता. त्यानंतर  शेवटच्या दोन तासात दहा टक्के मतदान झाले, असे जिल्हाधिकारी कार्यालयातील ग्रामपंचायत शाखेकडून सांगण्यात आले.

हेही वाचा >>> आतंकवादाचा जिहादी चेहरा लपविण्यासाठी हिंदू दहशतवादाची खोटी संकल्पना; लेखिका स्मिता मिश्रा यांचा दावा

वेल्हे तालुक्यातील २५ ग्रामपंचायतीसाठी ८४.९० टक्के, भोर तालुक्यातील ३० ग्रामपंचायतींसाठी ८५.०८ टक्के, दौंड तालुक्यातील आठ ग्रापंचायतीसाठी ८३.९४ टक्के, बारामती तालुक्यातील १३ ग्रामपंचायतीसाठी ८४.९३ टक्के, इंदापूर तालुक्यातील २६ ग्रामपंचायतीसांठी ८३.७१ टक्के मतदान झाले. तर जुन्नर तालुक्यातील १३ ग्रामपंचायतींसाठी ८३.५२, आंबेगाव तालुक्यातील १६ ग्रामपंचायतीसांठी ७५.८९ टक्के, खेडमधील २१ ग्रामपंचायतींसाठी ७२.११ टक्के, शिरूरमधील ४ ग्रामपंचायतींसाठी ८४.०६ टक्के मतदान झाले. तसेच मावळ मधील ८ ग्रामपंचायतींसाठी ८९.६१ मुळशीतील ५ ग्रामपंचायतींसाठी ८५.८२ तर हवेली तालुक्यातील ७ ग्रामपंचायतींसाठी ७५.५६ टक्के मतदान झाल्याची माहिती जिल्हा प्रशासनाकडून देण्यात आली.