संतापजनक : पुण्यात १४ वर्षीय मुलीवर आठ जणांकडून सामूहिक बलात्कार!

पीडित मुलीवर रूग्णालयात उपचार सुरू; आठही आरोपींना काही तासाताच घेतलं ताब्यात

(प्रातानिधिक छायाचित्र)

पुण्यात एक अत्यंत संतापजनक अशी घटना घडली आहे, एका १४ वर्षीय मुलीवर आठ जणांनी बलात्कार केल्याची घटना घडली असून, पीडित मुलीवर उपचार सुरू असल्याचे वानवडी पोलिसांकडून सांगण्यात आले.

पोलिसांनी दिलेल्या माहितीनुसार, पीडित मुलगी गावी जाण्यासाठी पुणे रेल्वे स्टेशन येथे गेली होती. तेव्हा तेथील एका रिक्षाचालकाने तिला विश्वासात घेत रिक्षात बसवलं आणि नंतर थेट एका खोलीत घेऊन गेला. तिथे तिच्यावर आठ जणांनी बलात्कार केला. त्यामध्ये सहा रिक्षाचालक आणि दोघे रेल्वेमधील चतुर्थ श्रेणी कर्मचारी आहेत. या घटनेची माहिती मिळताच,आम्ही रेल्वे स्टेशन परिसरातील सीसीटीव्हीच्या आधारे, आठही आरोपींना काही तासात ताब्यात घेऊन गुन्हा दाखल केला आहे.

या सर्व आरोपींना न्यायालयात दाखल करण्यात आले आहे. तसेच पीडित मुलीला रूग्णालयात दाखल केले असून, तिच्यावर उपचार सुरू आहेत आणि तिची तब्येत स्थिर असल्याचे वानवडी पोलिसानी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: A 14 year old girl was gang raped by eight people in pune msr 87 svk