scorecardresearch

पुणे : रस्ते बांधणी कंपनीची नऊ कोटी रुपयांची फसवणूक; प्रकल्प अधिकाऱ्याच्या विरोधात गुन्हा दाखल

प्रकल्प अधिकाऱ्याने डिझेल, खडी, डांबर तसेच अन्य साहित्याचा अपहार करुन कंपनीची नऊ कोटी आठ लाख रुपयांची फसवणूक केल्याचे फिर्यादीत म्हणले आहे.

पुणे : रस्ते बांधणी कंपनीची नऊ कोटी रुपयांची फसवणूक; प्रकल्प अधिकाऱ्याच्या विरोधात गुन्हा दाखल
रस्ते बांधणी कंपनीची नऊ कोटी रुपयांची फसवणूक (प्रातिनिधिक छायाचित्र)

रस्ते बांधणी करणाऱ्या कंपनीतील प्रकल्प अधिकाऱ्याने नऊ कोटी आठ लाख रुपयांची फसवणूक केल्याचा प्रकार उघडकीस आला आहे. या प्रकरणी शाम अशोक निकम (रा. शिंगणापूर, अहमदनगर) यांच्या विरोधात गुन्हा दाखल करण्यात आला आहे. याबाबत वृजेंद्रकुमार इंद्रदेव सिंह (वय ४२, रा. एनआयबीएम रस्ता, कोंढवा) यांनी फिर्याद दिली आहे.

हेही वाचा- पुणे : सदनिकेत प्लंबिंग काम करताना विजेच्या धक्क्याने कामगाराचा मृत्यू ; वारजे भागातील घटना

वृजेंद्रकुमार सिंह यांची ‘रोडवे सोल्यूशन इंडिया इन्फ्रा’ कंपनी आहे. या कंपनीकडून खेड-सिन्नर, म्हसवड-पिलिव्ह, कुर्डुवाडी-पंढरपूर, सातारा-रहिमतपूर या मार्गाचे काम करण्यात आले. २०१६ ते २०२१ या कालवधीत निकम कंपनीत प्रकल्प अधिकारी म्हणून काम करत होता. निकम याने डिझेल, खडी, डांबर तसेच अन्य साहित्याचा अपहार करुन कंपनीची नऊ कोटी आठ लाख रुपयांची फसवणूक केल्याचे सिंह यांनी फिर्यादीत म्हटले आहे. सहायक पोलीस निरीक्षक मोहिते तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-12-2022 at 14:34 IST

संबंधित बातम्या