उपमुख्यमंत्री देवेंद्र फडणवीस यांच्याविषयी सोशल मीडियावर बदनामीकारक मजकूर प्रसारित केल्याप्रकरणी लोणीकंद पोलिसांकडून एकाच्या विरोधात गुन्हा दाखल करण्यात आला. याबाबत भारतीय जनता पक्ष युवा मोर्चाचे जिल्हा संघटन सरचिटणीस संदीप सातव यांनी लोणीकंद पोलीस ठाण्यात फिर्याद दिली आहे. याप्रकरणी अनिल हरपळे पाटील याच्याविरुद्ध माहिती- तंत्रज्ञान कायदा तसेच बदनामीकारक मजकूर प्रसारित केल्या प्रकरणी गुन्हा दाखल करण्यात आला आहे. हेही वाचा- शेवटी सावरकरांचाच विजय होणार : सात्यकी सावरकर सोशल मीडियावर अनिल हरपळे पाटील या खात्यावरुन देवेंद्र फडणवीस यांच्याविषयी बदनामीकारक मजकूर प्रसारित करण्यात आला होता. नगर रस्त्यावरील वाघोली परिसरातील युवा माेर्चाचे पदाधिकारी संदीप सातव यांच्या निदर्शनास हा प्रकार आल्यानंतर त्यांनी तक्रार नोंदविली. वरिष्ठ पोलीस निरीक्षक गजानन पवार यांच्या मार्गदर्शनाखाली तपास करण्यात येत आहे.
