पुण्यातल्या कोंढवा भागातील एका इमारतीच्या पाचव्या मजल्यावर सिलिंडरचा भीषण स्फोट झाल्याची घटना घडली आहे. या घटनेत दोन घरं जळून खाक झाली आहेत. अग्निशमन दलाच्या अधिकाऱ्यांनी ही माहिती दिली. अग्निशमन विभागाच्या माहितीनुसार, कोंढवा येथील वेलकम हॉलजवळील एका इमारतीच्या पाचव्या मजल्यावर सायंकाळी पावणे सात वाजण्याच्या सुमारास सिलिंडरचा स्फोट झाल्याची घटना घडली. या घटनेत दोन घरं पूर्णपणे जळून खाक झाली आहेत. ही आग विझवण्यासाठी अग्निशमन दलाच्या पाच गाड्या घटनास्थळी दाखल झाल्या आहेत. या गाड्यांच्या मदतीने आग आटोक्यात आणण्यात यश आले असून यात कोणत्याही प्रकारची जीवितहानी झालेली नाही.
