scorecardresearch

Premium

लाखोंची हौस! मोटारींच्या आकर्षक क्रमांकासाठी होऊ दे खर्च!

मोटारींना आपल्या आवडीचा क्रमांक मिळण्यासाठी अनेकजण लाखो रुपयांचा खर्च करत आहेत. दुचाकीसाठी असलेल्या नवीन क्रमांकाच्या मालिकेत मोटारींसाठी तिप्पट शुल्क भरून आणि लिलावात बोली लावून आकर्षक क्रमांकाची वाहनचालकांनी खरेदी केली आहे.

attractive number cars pune
लाखोंची हौस! मोटारींच्या आकर्षक क्रमांकासाठी होऊ दे खर्च! (file photo)

पुणे : मोटारींना आपल्या आवडीचा क्रमांक मिळण्यासाठी अनेकजण लाखो रुपयांचा खर्च करत आहेत. दुचाकीसाठी असलेल्या नवीन क्रमांकाच्या मालिकेत मोटारींसाठी तिप्पट शुल्क भरून आणि लिलावात बोली लावून आकर्षक क्रमांकाची वाहनचालकांनी खरेदी केली आहे. प्रादेशिक परिवहन कार्यालयात (आरटीओ) झालेल्या लिलावात १२१२ क्रमांकाला सर्वाधिक बोली लावण्यात आली.

आरटीओकडून दुचाकी अथवा मोटारींसाठी नवीन क्रमांकांची मालिका सुरू करण्याआधी त्यातील आकर्षक क्रमांकाचा लिलाव केला जातो. मोटारींसाठीच्या नवीन क्रमांकाची मालिका असल्यास क्रमांकानुसार १५ हजार रुपये ते ४ लाख रुपये शुल्क असते. हे शुल्क भरल्यानंतर लिलाव होतो आणि त्यात जास्त बोली लावणाऱ्यास तो क्रमांक दिला जातो. दुचाकीसाठी नवीन क्रमांकाची मालिका सुरू होत असल्यास मोटारींसाठी त्यातील आकर्षक क्रमांकाचा तिप्पट शुल्क आकारून लिलाव केला जातो. आकर्षक क्रमांकासाठी तिप्पट शुल्क आणि लिलावातील बोली अशी एकूण रक्कम द्यावी लागते.

Stock market today
‘निफ्टी’चा विक्रमी उच्चांकाने गुंतवणूकदार मालामाल; बाजाराची सलग पाचव्या दिवशी आगेकूच कायम 
ias officer laghima tiwari
कोचिंगशिवाय पहिल्याच प्रयत्नात बनल्या IAS अधिकारी, लघिमा तिवारींची ‘ही’ रणनिती विद्यार्थ्यांसाठी ठरेल फायदेशीर
preferred vehicle number
पसंतीच्या वाहन क्रमांकातून ४१ लाखांचा महसूल
pune rank 7th In most traffic congested cities
पुण्याचा वाहतूक कोंडीतही झेंडा! जगातील सातव्या क्रमांकाचे वाहतूक कोंडीचे शहर

हेही वाचा – पुणे-मुंबई द्रुतगतीमार्गावर दोन तासांचा ब्लॉक; मुंबईकडे जाणारी वाहतूक राहणार बंद

आरटीओमध्ये दुचाकी क्रमांकाच्या नवीन मालिकेतील पसंती क्रमांकाचे तिप्पट शुल्क आकारून मोटारींसाठी लिलाव झाले. त्यात १२१२ क्रमांकाला सर्वाधिक १ लाख ८० हजार १२ रुपयांची बोली लावण्यात आली. वाहन मालकाला त्यासाठी आधी तिप्पट म्हणजेच ४५ हजार शुल्क भरावे लागले होते. म्हणजेच त्याला हा क्रमांक एकूण २ लाख २५ हजार १२ रुपयांना पडला, अशी माहिती उपप्रादेशिक परिवहन अधिकारी संजीव भोर यांनी दिली.

हेही वाचा – पुणे: शाळेतील प्रवेशावरून दाम्पत्यात वाद; महिलेने पतीला पेटवून दिले

सर्वाधिक बोली (आकडे रुपयांमध्ये)

क्रमांक – बोली – शुल्क
१२१२ – १,८०,०१२ – ४५,०००

७००० – १,०१,००० – ४५,०००
००११ – ८१,७८६ – १,५०,०००

०००५ – ७६,१०१ – १,५०,०००
०००७ – ७५,००० – १,५०,०००

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A huge cost for an attractive number of cars pune print news stj 05 ssb

First published on: 27-07-2023 at 11:00 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×