acb arrest officer along with a woman for accepting bribe rs 20000 bribe pune print news rbk 25 zws 70 | Loksatta

X

पुणे : मावळमधील मंडल अधिकारी महिलेसह दोघांना पकडले

तक्रारदाराने मावळ तालुक्यातील भडवली गावात जमीन खरेदी केली होती.

पुणे : मावळमधील मंडल अधिकारी महिलेसह दोघांना पकडले
प्रातिनिधिक फोटो-इंडियन एक्स्प्रेस

सात बारा उताऱ्यावर नोंद करण्यासाठी २० हजारांची लाच घेणाऱ्या वडगाव मावळातील मंडल अधिकारी महिलेसह दोघांना लाचलुचपत प्रतिबंधक विभागाने (एसीबी) पकडले. या प्रकरणी मंडल अधिकारी संगीता राजेंद्र शेरकर (वय ५४) आणि संभाजी लोहोर यांच्या विरोधात भ्रष्टाचार प्रतिबंध अधिनियमान्वये वडगाव मावळ पोलीस ठाण्यात गु्न्हा दाखल करण्यात आला आहे. याबाबत एकाने लाचलुचपत प्रतिबंधक विभागाकडे (एसीबी) तक्रार दिली होती. तक्रारदाराने मावळ तालुक्यातील भडवली गावात जमीन खरेदी केली होती.

जमिनीच्या सात बारा उताऱ्यावर तक्रारदाराचे नाव लावण्यासाठी शेरकर यांनी तक्रारदाराकडे २० हजार रुपयांची लाच मागितली होती. लाचेची रक्कम संभाजी लोहोर याला देण्यास सांगण्यात आले होते. तक्रारदाराने लाचलुचपत प्रतिबंधक विभागाकडे तक्रार नोंदविल्यानंतर मावळ तालुक्यातील आढले बुद्रुक तलाठी कार्यालय परिसरात सापळा लावून तक्रारदाराकडून लाच घेताना लोहोर याला पकडण्यात आले. शेरकर यांच्यासाठी लाच स्वीकारल्याचे चौकशीत निष्पन्न झाले. त्यानंतर दोघांना ताब्यात घेण्यात आले. पोलस अधीक्षक अमोल तांबे, अतिरिक्त अधीक्षक सूरज गुरव यांच्या मार्गदर्शनाखाली ही कारवाई करण्यात आली. पोलीस निरीक्षक श्रीराम शिंदे तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 07-12-2022 at 09:29 IST
Next Story
नागपूर : रेल्वे प्रवाशांना सांताक्लॉज पावला; पुणे-मुंबईसाठी आता….