पुणे : काॅल सेंटरमधील सहकारी तरुणीवर कोयत्याने वार करून तिचा खून करणारा आरोपी कृष्णा कनोजा याला न्यायालयाने १३ जानेवारीपर्यंत पोलीस कोठडीत ठेवण्याचे आदेश दिले. खून झालेल्या तरुणीने वडिलांवर उपचार करायचे असल्याचे सांगून आरोपीकडून वेळोवेळी चार लाख रुपये घेतले होते. तरुणाने वडिलांकडे चौकशी केली. त्या वेळी तरुणीने खोटे बोलून पेैसे घेतल्याचे उघड झाले. खोटे बोलणे जिव्हारी लागल्याने त्याने तरुणीचा खून केल्याचे तपासात उघडकीस आले.

येरवडा भागातील एका बहुराष्ट्रीय काॅल सेंटरमध्ये काम करणाऱ्या तरुणीचा मंगळवारी सायंकाळी चाकूने वार करून खून करण्यात आला. कंपनीच्या वाहनतळावर ही घटना घडली. या प्रकरणी कंपनीतील तिचा सहकारी कृष्णा सत्यनारायण कनोजा (वय २८, रा. खैरेवाडी, गणेशखिंड रस्ता) याला अटक करण्यात आली. त्याला बुधवारी न्यायालयात हजर करण्यात आले. आर्थिक व्यवहारातून तरुणीचा खून झाल्याचे तपासात उघडकीस आले. आरोपीच्या बँक खात्याचा तपशील घ्यायचा आहे. त्याने तरुणीचा खून करण्यासाठी वापरलेले शस्त्र कोणाकडून आणले, यादृष्टीने तपास करायचा आहे. आरोपीला पोलीस कोठडी देण्याची विनंती सरकारी वकील विजयसिंह जाधव यांनी युक्तिवादात केली. न्यायालयाने कनोजाला १३ जानेवारीपर्यंत पोलीस कोठडीत ठेवण्याचे आदेश दिले.

pune koyta attack news
पुणे : बिबवेवाडीत तोडफोड करणाऱ्या आरोपीविरुद्ध आणखी एक गु्न्हा, तरुणावर कोयत्याने वार
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
bombay hc grants bail to 20 year old college student in father murder case
वडिलांच्या हत्येतील आरोपीला जामीन; आरोपीच्या भविष्याच्या दृष्टीने उच्च न्यायालयाचा निर्णय
Shirdi double murder news in marathi
शिर्डीत साई संस्थानच्या दोन कर्मचाऱ्यांची हत्या; एक जखमी ; लुटमारीचा संशय, संशयीत ताब्यात
Woman murdered in broad daylight in Ambernath
अंबरनाथमध्ये भरदिवसा महिलेची हत्या; पूर्वेतील उड्डाणपुलाशेजार घडली घटना, अंबरनाथमध्ये खळबळ
pune crime news
पुणे : लग्नाची मागणी केल्याने बेदम मारहाणीत एकाचा मृत्यू, गोखलेनगर भागातील घटना
Pune Municipal Corporation contract employee stabbed to death over immoral relationship in Kothrud
कोथरूडमध्ये अनैतिक संबंधातून तरूणाचा खून, पोलिसांकडून संशयित आरोपी ताब्यात
Saif Ali Khan Records Statement With Mumbai Police
Saif Ali Khan : सैफ अली खान हल्ला प्रकरणातील आरोपी मोहम्मद शहजादला १४ दिवसांची न्यायालयीन कोठडी

हेही वाचा >>>मुलींच्या शाळेतील प्रसाधनगृहात मोबाइल चित्रीकरणाचा प्रकार, शाळेतील शिपायाविरुद्ध गुन्हा शाळेचा शिपाई अटकेत

आरोपी कनोजा काॅल सेंटरमध्ये लिपिक होता. त्याची तरुणीशी २०२२ मध्ये ओळख झाली होती. तरुणी मूळची चिपळूणची आहे. तिचे वडील व्यवसायानिमित्त कराडला स्थायिक झाले होते. ती गेल्या पाच वर्षांपासून पुण्यात वास्तव्यास होती. वडील आजारी आहेत. ओैषधोपचारासाठी पैसे हवे असल्याचे सांगून तिने कनोजाकडून वेळोवेळी चार लाख रुपये घेतले होते. कनोजा तरुणीच्या वडिलांना कराडला जाऊन भेटला. तेव्हा तरुणीने खोटे बोलून कनोजाकडून वडिलांच्या उपचारांसाठी पैसे घेतल्याचे उघड झाले. खोटे बोलल्याने कनोजा तिच्यावर चिडला होता. तिचे खोटे बाेलणे जिव्हारी लागल्याने त्याने तिचा खून केल्याची माहिती येरवडा पोलिसांनी दिली.

हेही वाचा >>>पुणे : बांधकाम व्यावसायिकाच्या खून प्रकरणातील मुख्य सूत्रधार अटकेत, दोन कोटींच्या खंडणीसाठी अपहरण

स्मितहास्य करून चाकूहल्ला

आरोपी कनोजा यांची आर्थिक परिस्थिती बेताची आहे. तरुणीने खोटे बोलून पैसे घेतले होते. बुधवारी सायंकाळी साडेसहाच्या सुमारास तरुणीचे काम सुरू होणार होते. ती बसने कंपनीच्या आवारात सायंकाळी सहाच्या सुमारास आली. काम सुरू होण्यास अर्धा तासांचा अवधी होता. काॅल सेंटरमधील वाहनतळावर ती मैत्रीणीसोबत गप्पा मारत थांबली होती. कनोजा आणि तरुणीचे मैत्रीपूर्ण संबंध होते. कनोजा तेथे आला आणि त्याने स्मितहास्य केले. ‘माझ्या पैशांचे काय केले?,’ अशी विचारणा त्याने तिच्याकडे केली. काही कळायच्या आत त्याने तिच्यावर चाकूने वार करण्यास सुरुवात केली. कनोजाने केेलेल्या हल्ल्यात ती गंभीर जखमी झाली. मोठ्या प्रमाणावर रक्तस्त्राव झाल्याने तिचा मृत्यू झाल्याचे पोलिसांनी सांगितले.

Story img Loader