बाधित गावातील व्यवहारांचे मूल्यांकन करून त्यातील तफावत शोधण्याच्या सूचना

या बातमीसह सर्व प्रीमियम कंटेंट वाचण्यासाठी साइन-इन करा

पुणे : पुणे, पिंपरी-चिंचवड शहरातील वाहतूक कोंडी दूर करण्यासाठी महाराष्ट्र राज्य रस्ते विकास महामंडळाकडून (महाराष्ट्र स्टेट रोड डेव्हलपमेंट कार्पोरेशन – एमएसआरडीसी) वर्तुळाकार रस्ता प्रस्तावित करण्यात आला आहे. या प्रकल्पाचे भूसंपादन समृद्धी महामार्गाप्रमाणे करण्याचे निश्चित करण्यात आले आहे. तत्पूर्वी प्रकल्पामुळे बाधित गावातील व्यवहारांचे मूल्यांकन करून त्यातील तफावत शोधण्याच्या सूचना भूसंपादन अधिकाऱ्यांना देण्यात आल्या आहेत.   महामंडळाचे सहव्यवस्थापकीय संचालक चंद्रकांत पुलकुंडवार यांनी जिल्हाधिकारी कार्यालयात घेतलेल्या बैठकीत हा निर्णय घेण्यात आला. पुलकुंडवार यांनी भूसंपादन अधिकाऱ्यांना जागा संपादित करण्याबाबत मार्गदर्शन केले. यामध्ये समृद्धी महामार्गाचे भूसंपादन करताना अवलंबलेली कार्यपद्धतीसह प्रामुख्याने बाधित गावातील तीन ते पाच वर्षांपूर्वी झालेले खरेदी विक्री व्यवहारांचे मूल्यांकन करून त्यातील तफावत दूर करून एकसूत्रता आणणे, हे करत असताना कायद्यातील तरतुदींचे पालन करावे, असे आदेश दिले.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Acquisition circular road highway villagers ysh
First published on: 26-01-2022 at 00:25 IST