scorecardresearch

Premium

‘स्मार्ट सिटी’चा स्मार्ट कारभार? पुण्यातील हवेच्या गुणवत्तेची माहिती हवीय? मग पैसे द्या!

पुणे शहरातील वाढत्या वायू प्रदूषणाबाबत चिंता व्यक्त केली जात असताना माहिती अहवाल गोपनीय ठेवण्यात आल्याने स्मार्ट सिटीच्या कारभारावरच प्रश्नचिन्ह निर्माण झाले आहे.

air quality index sensors pune
'स्मार्ट सिटी'चा स्मार्ट कारभार? पुण्यातील हवेच्या गुणवत्तेची माहिती हवीय? मग पैसे द्या! (प्रातिनिधिक छायाचित्र)

पुणे : शहरातील हवेची गुणवत्ता वेगवेगळ्या ठिकाणी किती आहे, याचा शोध घेण्यासाठी कोट्यवधी रुपये खर्च करून ४५ ठिकाणी हवा गुणवत्ता निर्देशांक सेन्सर (एअर क्वालिटी इंडेक्स सेन्सर) बसविण्यात आले असले तरी त्यातील माहिती स्मार्ट सिटीकडून गोपनीय ठेवण्यात आल्याची वस्तुस्थिती पुढे आली आहे. हवा गुणवत्ता निर्देशांकाची माहिती महापालिकेलाही देता येणार नाही. ती केवळ एका खासगी संस्थेला दिली जाते. माहिती हवी असल्यास पैसे मोजून ती खाजगी कंपनीकडून घ्यावी, असे स्मार्ट सिटीकडून स्पष्ट करण्यात आले आहे. शहरातील वाढत्या वायू प्रदूषणाबाबत चिंता व्यक्त केली जात असताना माहिती अहवाल गोपनीय ठेवण्यात आल्याने स्मार्ट सिटीच्या कारभारावरच प्रश्नचिन्ह निर्माण झाले आहे.

शहरातील हवेची गुणवत्ता वेगवेगळ्या ठिकाणी किती आहे, याचा शोध घेण्यासाठी स्मार्ट सिटी मिशन अंतर्गत हवा गुणवत्ता निर्देशांक सेन्सर बसविण्यात आले. त्यासाठी नागरिकांच्या करातून जमा झालेले कोट्यवधी रुपये खर्च करण्यात आले. शहरातील वायू प्रदूषण वाढत असून वैकुंठ स्मशानभूमी परिसरात मोठ्या प्रमाणावर वायू प्रदूषण होत असल्याच्या तक्रारी आहेत. या पार्श्वभूमीवर येथे दोन हवा गुणवत्ता निर्देशांक सेन्सर बसविण्यात आले आहेत. शहरातील सर्व हवा गुणवत्ता निर्देशांक सेन्सरमधून संकलित केलेली माहिती सजग नागरिक मंचाचे अध्यक्ष विवेक वेलणकर यांनी माहिती अधिकार दिनात महापालिकेकडे मागितली होती. त्यांना दिलेल्या माहितीतून ही धक्कादायक बाब पुढे आली आहे.

unique information, exhibition hall, State Excise Department
१८३९ नंतर मद्यपान करण्यासाठी १८ वर्षे वयोमर्यादा जगभरात लागू! नव्या राज्य उत्पादन शुल्क भवनातील खास दालनातील माहिती
pune abhay yojna marathi news, pmc property tax scheme marathi news
पुण्यातील प्रस्थापितांना धक्का : मोकळ्या भूखंडांची प्रस्तावित करसवलत योजना स्थगित?
hospital of Ulhasnagar
उल्हासनगरचे अत्याधुनिक रुग्णालय नागरिकांच्या सेवेत, मुख्यमंत्री एकनाथ शिंदे यांच्या हस्ते रुग्णालयाचे लोकार्पण
Hillline police station officials due to shooting incident
कल्याण : गोळीबार घटनेमुळे हिललाईन पोलीस ठाण्यातील अधिकाऱ्यांची चौकशी?

हेही वाचा – पुणे : महसूल अधिकाऱ्यांविरोधात वकिलांनी दंड थोपटले; जिल्हाधिकारी ॲक्शन मोडवर

स्मार्ट सिटीकडून कोणतीही माहिती महापालिकेला दिली जात नाही, असे महापालिकेकडून वेलणकर यांना सांगण्यात आले. महापालिका अधिकाऱ्यांनी स्मार्ट सिटी मिशनच्या अधिकाऱ्यांना दूरध्वनी करून वेलणकर यांना माहिती देण्यास सांगितले. मात्र महापालिकेसह अन्य कोणालाही माहिती देता येणार नाही. संकलित माहिती एका खाजगी संस्थेला दिली जाते आणि ती हवी असेल तर खाजगी संस्थेकडे पैसे भरावे लागतील, असे अजब उत्तर स्मार्ट सिटीच्या अधिकाऱ्यांनी दिले. नागरिकांच्या करातून कोट्यवधी रुपये खर्च करून यंत्रणा बसविण्यात आली असताना माहिती गोपनीय का ठेवली जाते, असा प्रश्न यानिमित्ताने वेलणकर यांनी उपस्थित केला.

हेही वाचा – पुणे-नाशिक महामार्गावर अपघातात एकाच कुटुंबातील तिघांचा जागीच मृत्यू, तिघे गंभीर जखमी

शहरातील वाढत्या हवा प्रदूषणाच्या पार्श्वभूमीवर माहिती महापालिका, वाहतूक पोलीस आणि नागरिकांना उपलब्ध झाली तर वायू प्रदूषणावर ठोस उपाययोजना करता येणे शक्य आहे. त्यामुळे संकलित माहितीचा अहवाल स्मार्ट सिटी तसेच महापालिकेच्या संकेतस्थळावर प्रसिद्ध करणे आवश्यक आहे, असे वेलणकर यांनी सांगितले. तसे निवेदन त्यांनी स्मार्ट सिटी प्रशासनाला दिले आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Although air quality index sensors have been installed in pune city the fact has come forward that information has been kept confidential by the smart city pune print news apk 13 ssb

First published on: 01-12-2023 at 14:30 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×