पुण्यातील बालेवाडी येथील निर्माणाधीन इमारतीचा स्लॅब कोसळून ८जण जखमी झाले असून त्यांच्यावर उपचार सुरू आहे. अग्निशामक विभागाच्या अधिकार्यांनी दिलेल्या माहितीनुसार नुसार, काल रात्री साडे अकराच्या सुमारास बालेवाडी येथील पाटीलनगर येथे निर्माणाधीन इमारतीच्या पहिल्या मजल्याचं काम सुरू होते. त्यावेळी कामगारांना काही समजण्याच्या आतमध्ये स्लॅब कोसळल्याची घटना घडली. या घटनेची माहिती मिळताच, पुणे, पिंपरी चिंचवड आणि एमएमआरडीएच्या अशा एकूण ६ गाड्या काही मिनिटांत घटनास्थळी दाखल झाल्या. मात्र घटनास्थळी पोहोचण्यापूर्वीच ८ जखमी कामगारांना जवळील रूग्णालयात उपचारासाठी दाखल करण्यात आले असून त्यांच्यावर उपचार सुरू आहेत. तर ही घटना नेमकी कोणता कारणावरून घडली हे अद्याप समजू शकले नाही.