भरधाव डंपरच्या धडकेने दुचाकीस्वाराचा मृत्यू झाल्याची खराडी भागात घडली. या प्रकरणी डंपरचालकास अटक करण्यात आली. भरत अण्णा देवकर (वय ४१, रा. येरवडा ) असे ठार झालेल्या दुचाकीस्वाराचे नाव आहे. या प्रकरणी डंपरचालक रोहिदास राजाराम गोरे (वय ३० रा. लोहगाव ) याला अटक करण्यात आली आहे. पोलिस कर्मचारी सीमा वळवी यांनी याबाबत चंदननगर पोलीस ठाण्यात फिर्याद दिली आहे. दुचाकीस्वार भरत देवकर खराडी भागातून जात होते. त्या वेळी भरधाव डंपरने दुचाकीस्वार देवकर यांना धडक दिली. गंभीर जखमी झालेल्या देवकर यांना पोलिसांनी रुग्णालयात दाखल केले. उपचारांपूर्वीच त्यांचा मृत्यू झाला. सहायक पोलीस निरीक्षक एम. पी. सोनवणे तपास करत आहेत.