सावित्रीबाई फुले पुणे विद्यापीठात ड्रोनविषयक प्रमाणपत्र, पदविका, पदवी अभ्यासक्रम राबवले जाणार आहेत. हे अभ्यासक्रम करणाऱ्या विद्यार्थ्यांना नागरी उड्डाण महासंचालनालयाचा (डीजीसीए) परवानाही मिळणार आहे. सावित्रीबाई फुले पुणे विद्यापीठाने ड्रोन तंत्रज्ञानातील ड्रोनआचार्य या कंपनीसोबत सामंजस्य करार केला. विद्यापीठाचे कुलगुरू डॉ. कारभारी काळे, ड्रोन आचार्यचे संस्थापक व व्यवस्थापकीय संचालक प्रतीक श्रीवास्तव, प्र- कुलगुरू डॉ. संजीव सोनवणे, तंत्रज्ञान विभागाचे प्रमुख डॉ.आदित्य अभ्यंकर, इनोव्हेशन सेलचे प्रमुख डॉ. संजय ढोले आदी या वेळी उपस्थित होते. विद्यापीठाने दोन वर्षांपूर्वी फोरफोर्सेस एअरो प्रॉडक्ट या कंपनीसह सामंजस्य करार करून ड्रोनसंबंधित प्रमाणपत्र अभ्यासक्रम सुरू केले होते.

हेही वाचा >>> पुण्यातील दोन बँकांवर रिझर्व्ह बँकेचे निर्बंध

Dates of 299 exams of Mumbai University summer session announced Mumbai
मुंबई विद्यापीठाच्या उन्हाळी सत्रातील २९९ परीक्षांच्या तारखा जाहीर; दोन लाखांहून अधिक विद्यार्थी परीक्षार्थी
loksatta kutuhal french computer scientist dr yann andre lecun deep learning and the future of ai zws 70
कुतूहल : यान आंद्रे लकून : डीप लर्निंगचे गॉडफादर
Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप
controversy between vice chancellor and student union
कुलगुरू-विद्यार्थी संघटनांमध्ये वादाचे निखारे; डॉ. बाबासाहेब आंबेडकर मराठवाडा विद्यापीठाला छावणीचे स्वरूप

आता त्या पुढे जाऊन पदविका, पदवी अभ्यासक्रमही सुरू केले जातील. विविध क्षेत्रात ड्रोनचा वापर वाढत असल्याने या क्षेत्रातील नवनव्या संधी निर्माण होत असल्याचे सांगून डॉ. अभ्यंकर म्हणाले, की ड्रोन तंत्रज्ञानातील केवळ ड्रोन पायलट प्रशिक्षणच नाही, तर ड्रोन बिल्डिंग, ड्रोन रेपेरींग अँड मेंटेनन्स, ड्रोन डेटा प्रोसेसिंग, ड्रोन्स फॉर डिझास्टर मॅनेजमेंट, कृषी नियोजन करण्यासाठी ड्रोनचा वापर आणि कोडिंग आदी अभ्यासक्रम विद्यार्थ्यांना उपलब्ध करून दिले जातील. ड्रोनच्या अभ्यासक्रमांना मागणी वाढत आहे. आतापर्यंत लघुमुदतीचे अभ्यासक्रम राबवले जात होते. विद्यार्थ्यांच्या प्रतिसादानुसार नवे अभ्यासक्रम सुरू करण्यात येणार आहे. नव्या शैक्षणिक धोरणानुसार अभ्यासक्रमात लवचिकता राहणार आहे. अभ्यासक्रम पूर्ण करणाऱ्या विद्यार्थ्यांना डीजीसीएचा परवाना मिळणार आहे.