chance of rain in pune even late at night pune print news zws 70 | Loksatta

पुण्यात रात्री उशिराही पावसाची शक्यता ; शिवाजीनगर परिसरात पाऊस अधिक

शहरालगतच्या घाट विभागांत पावसाचे प्रमाण शहरापेक्षा अधिक राहण्याचा अंदाज रात्री हवामान विभागाकडून देण्यात आला.

पुण्यात रात्री उशिराही पावसाची शक्यता ; शिवाजीनगर परिसरात पाऊस अधिक
(संग्रहित छायाचित्र)

पुणे : पुणे, पिंपरी-चिंचवड शहर आणि परिसरात शुक्रवारी संध्याकाळी सलग दुसऱ्या दिवशी मुसळधार पावसाची हजेरी होती. हवामान विभागाने दिलेल्या अंदाजानुसार रात्री उशिराही शहरात पावसाची शक्यता आहे. शहरात प्रामुख्याने शिवाजीनगर आणि शहरालगतच्या घाट विभागामध्ये पावसाचे प्रमाण अधिक राहणार असल्याचे हवामान विभागाकडून स्पष्ट करण्यात आले.

पुणे शहरात शुक्रवारी संध्याकाळी पाचच्या सुमारास मुसळधार पाऊस झाला. सुमारे अर्धा ते पाऊन तासामध्ये शिवाजीनगर केंद्रावर ३५ मिलिमीटर पावसाची नोंद झाली. त्यामुळे शहरातील सर्वच रस्त्यांवर मोठ्या प्रमाणावर पाणी जमा झाले. त्यातून वाहतुकीची कोंडी झाली. संध्याकाळी कार्यालये सुटण्याच्या वेळेलाच पाऊस झाल्याने नागरिकांची तारांबळ उडाली. संध्याकाळी सहानंतर पावसाने उघडीप दिली. मात्र, साडेआठच्या सुमारास पुन्हा पावसाला सुरुवात झाली. रात्री आठ ते साडेआठच्या सुमारास हवामान विभागाच्या यंत्रणेमध्ये पुणे शहराच्या दिशेने मोठ्या प्रमाणावर ढग जमा होताना दिसत होते. त्यामुळे शहरात रात्री उशिरापर्यंत पावसाची हजेरी राहण्याची शक्यता व्यक्त करण्यात आली आहे. शहरालगतच्या घाट विभागांत पावसाचे प्रमाण शहरापेक्षा अधिक राहण्याचा अंदाज रात्री हवामान विभागाकडून देण्यात आला.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
रिक्षावर झाड कोसळून चालकाचा मृत्यू

संबंधित बातम्या

पुण्यातील बाळासाहेबांची शिवसेनेच्या पहिल्या जाहीर मेळाव्याकडे कार्यकर्त्यांची पाठ
लम्पीबाबत केंद्रीय पथकाचे ताशेरे; उपचार पद्धती सदोष, पायाभूत सुविधांवरही बोट; प्रतिजैविकांचा अतिरेकी वापर
पुण्यात थंडीच्या हंगामात उकाडा; कमाल-किमान तापमानात मोठी वाढ
तलावात बुडून तलाठ्याचा मृत्यू; भोरमधील पाझर तलावातील दुर्घटना
पुणे: ‘प्राण्यांना अन्नाचा आणि नागरिकांना त्यांना खायला देण्याचा अधिकार’ प्राण्यांच्या अधिकारांबाबत जनजागृती

व्हिडिओ

ताज्या बातम्या
Mahaparinirvan Din : महापरिनिर्वाण दिनानिमित्त अजित पवारांकडून बाबासाहेबांना अभिवादन; म्हणाले, “इंदू मिल येथील स्मारकावरून…”
“तुझं असणं मला…” बिग बॉसच्या घरातून बाहेर पडल्यानंतर विशाल निकमची पहिली पोस्ट
डॉ. बाबासाहेब आंबेडकरांच्या संविधानामुळेच मुख्यमंत्री होऊ शकलो- एकनाथ शिंदे
“पंढरपूरमधील विठोबाही…”; कर्नाटकचा उल्लेख करत शिंदे-भाजपा सरकारच्या धोरणांबद्दल उद्धव ठाकरेंनी व्यक्त केला संताप
“दादा तुम्हाला कुठून माईक खेचायला…”, पत्रकार परिषदेला पोहोचताच उद्धव ठाकरेंची अजित पवारांना विचारणा, जयंत पाटीलही लागले हसू