Chief Minister Eknath Shindes decision to create a new municipality for Fursungi-Uruli villages | Loksatta

‘फुरसुंगी-उरुळी गावांसाठी नवी नगरपालिका’; मुख्यमंत्री एकनाथ शिंदे यांचा निर्णय

पुणे महानगरपालिकेमध्ये सन २०१७ मध्ये अकरा गावे समाविष्ट करण्यात आली होती. त्यामध्ये या फुरसूंगी आणि उरूळी देवाची या गावांचा समावेश होता.

‘फुरसुंगी-उरुळी गावांसाठी नवी नगरपालिका’; मुख्यमंत्री एकनाथ शिंदे यांचा निर्णय
तसेच ठाकरे गटाला फक्त आरोप करत राजकारण करायचं आहे. एक आरोप केला होता त्यात तोंडघशी पडले. कोर्टाने त्यांना जागा दाखवली आहे, अशी टीकाही मुख्यमंत्री एकनाथ शिंदे यांनी ठाकरेंवर केली आहे.

पुणे महानगरपालिका हद्दीमध्ये समाविष्ट फुरसुंगी आणि उरुळी देवाची या गावांची नवी नगरपालिका करण्याचा निर्णय मंगळवारी मुख्यमंत्री एकनाथ शिंदे यांनी घेतला. या नगरपालिकेच्या माध्यमातून या गावांतील नागरिकांच्या नागरी सुविधांचा प्रश्न मार्गी लागण्याची शक्यता आहे.

हेही वाचा- पुणे : शरद पवार यांच्या वाढदिवसानिमित्त तीन दिवसीय ‘शरदोत्सवा’चे आयोजन

महानगरपालिकेमध्ये नव्याने समाविष्ट करण्यात आलेल्या गावांतील मालमत्ता कर व मुलभूत सोयी सुविधांबाबत मुख्यमंत्री शिंदे यांच्या अध्यक्षतेखाली मुंबईत बैठक पार पडली. त्यामध्ये हा निर्णय घेण्यात आला. महानगरपालिकेने या दोन्ही गावांत नागरी सुविधांशी संबंधित सुरु केलेल्या प्रकल्प, योजनामंध्ये सहकार्य देणे अपेक्षित आहे. त्यासाठी प्रशासन आणि नागरिकांनी समन्वयाने काम करावे असे आवाहन मुख्यमंत्री शिंदे यांनी या वेळी केले. तसेच पुणे महानगरपालिकेकडून राबवण्यात येत असलेल्या कचरा व्यवस्थापन तसेच अन्य नागरी प्रकल्पांमध्येही सहकार्य दिले जाईल, अशी ग्वाही मुख्यमंत्री शिंदे यांनी या वेळी दिली.

हेही वाचा- खडकवासला ते फुरसुंगीपर्यंतच्या भूमिगत बोगद्याचा अहवाल जलसंपदाकडे विभागाकडे सुपूर्द

पुणे महानगरपालिकेमध्ये सन २०१७ मध्ये अकरा गावे समाविष्ट करण्यात आली होती. त्यामध्ये या फुरसूंगी आणि उरूळी देवाची या गावांचा समावेश होता. या दोन्ही गावांची मिळून सुमारे अडीच लाख इतकी लोकसंख्या आहे. माजी राज्यमंत्री विजय शिवतारे, नगरविकास विभागाचे अतिरिक्त मुख्य सचिव भूषण गगराणी, पुणे महानगरपालिकेचे आयुक्त विक्रम कुमार, पुणे जिल्हाधिकारी राजेश देशमुख यांच्यासह या दोन्ही गावांतील स्थानिक नागरिक या वेळी उपस्थित होते.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 06-12-2022 at 22:54 IST
Next Story
तरुणींशी मैत्रीचे आमिष दाखवून ५३ वर्षीय व्यक्तीची फसवणूक; तरुणीसह तिघांना अटक