Confusion among the locals even before the demolition of the flyover at Chandni Chowk pune | Loksatta

उड्डाणपूल पाडण्यापूर्वीच स्थानिकांत संभ्रमांचे ‘स्फोट’; चांदणी चौकाजवळच्या रहिवाशांना कोणत्याही सूचना नाहीत

२ ऑक्टोबरला मध्यरात्री स्फोट घडवून चांदणी चौकातील पूल पाडण्यात येणार आहे. केवळ पाच ते सहा सेकंदात हा पूल जमीनदोस्त होणार आहे.

उड्डाणपूल पाडण्यापूर्वीच स्थानिकांत संभ्रमांचे ‘स्फोट’; चांदणी चौकाजवळच्या रहिवाशांना कोणत्याही सूचना नाहीत
चांदणी चौक, पुणे

चांदणी चौक परिसरातील जुना उड्डाणपूल २ ऑक्टोबरला मध्यरात्री स्फोटकांनी पाडण्यात येणार आहे. वाहतूक बंद ठेवून २०० मीटर परिसर पूर्णपणे निर्मनुष्य करण्यात येणार असल्याचेही प्रशासनाने जाहीर केले आहे. मात्र, पुलापासून काही अंतरावर किंवा १०० ते २०० मीटरच्या परिघात असलेल्या इमारतींचे मालक किवा सोसायट्यांमधील रहिवाशांना प्रशासनाकडून अद्याप पूल पाडताना निर्माण होणारी संभाव्य स्थिती आणि दक्षतेबाबत कोणत्याही सूचना देण्यात आलेला नाहीत. त्यातून पूल पाडण्याआधी या भागात संभ्रमांचे ‘स्फोट’ होत आहेत. त्यामुळे प्रशासनाने नागरिकांना योग्य ती माहिती पुरवावी, अशी मागणी केली जात आहे.

हेही वाचा- तीन वर्षांत राज्यातील सर्व दस्त नोंदणी कार्यालये शासकीय जागेत; जागा शोधण्याचे महसूलमंत्र्यांचे जिल्हाधिकाऱ्यांना आदेश

मुंबई-बंगळुरू राष्ट्रीय महामार्गावरील चांदणी चौकातील वाहतुकीची कोंडी सोडविण्याच्या दृष्टीने चौकातील पूल पाडण्यात येणार आहे. प्रशासनाकडून त्याची जय्यत तयारी करण्यात आली आहे. पूल पाडण्यासाठी ६०० किलो स्फोटके वापरण्यात येणार आहेत. २ ऑक्टोबरला मध्यरात्री स्फोट घडवून पूल पाडण्यात येणार आहे. केवळ पाच ते सहा सेकंदात हा पूल जमीनदोस्त होणार आहे. चांदणी चौकातून सकाळी आणि सायंकाळी कार्यालयीन वेळेत दररोज तब्बल तीन लाख दहा हजार वाहने प्रवास करतात. पूल पाडल्यानंतर राडारोडा काढून रस्ता मोकळा करण्यात येणार असून, रात्री ११ ते रविवारी (२ ऑक्टोबर) सकाळी आठ वाजेपर्यंत या ठिकाणची वाहतूक बंद ठेवण्यात येणार आहे. वाहतुकीचे नियोजनही प्रशासनाने केले असून, स्फोटाच्या कालावधीत २०० मीटरपर्यंतचा भाग निर्मनुष्य केला जाणार असल्याचे प्रशासनाने जाहीर केले आहे. मात्र, याबाबत पुलाजवळच्या भागातील सोसायट्या आणि इमारतीतील नागरिकांना दक्षतेबाबत अद्याप प्रशासनाकडून कोणत्याही सूचना नाहीत. त्यामुळे संभ्रमाचे वातावरण आहे.

हेही वाचा- पुणे जिल्हा नियोजन समितीवरील १८ सदस्यांचे पद रद्द

पूल पाडण्याच्या स्फोटाबाबत आणि नागरिकांनी घेण्याच्या दक्षतेबाबत स्थानिकांना योग्य त्या सूचना देण्याची मागणी राज्य वाहतूकदार प्रतिनिधी महासंघाचे अध्यक्ष बाबा शिंदे यांनी यापूर्वीच राष्ट्रीय महामार्ग प्राधिकरणाकडे केली आहे. शिंदे यांनी याबाबत सांगितले, की पूल पाडण्याचे प्रशासनाने जाहीर केले आहे. पुलापासून १०० ते २०० मीटरच्या भागात मेघ मल्हार, झिनिया, अल्फा, शिवपदम, प्रथमेश, सुमिधा आदी मोठ्या सोसायट्या आहेत. माझ्याही हॉटेलची इमारत पुलापासून काही अंतरावर आहे. मात्र, प्रशासनाने अद्याप आम्हाला दक्षतेबाबत किंवा स्फोटाच्या होणाऱ्या किंवा न होणाऱ्या परिणामांबाबत कोणतीही अधिकृत माहिती पुरविलेली नाही. प्राधिकरणाच्या प्रकल्प अधिकाऱ्यांनाही याबाबत पत्र दिले आहे. परंतु, त्याला कोणतेही उत्तर मिळाले नाही.

हेही वाचा- पॉप्युलर फ्रंट ऑफ इंडियावर बंदी; पुण्यात संवेदनशील ठिकाणी बंदोबस्तात वाढ

चांदणी पूल स्फोट घडवून पाडण्यात येणार असल्याने पुलापासून काही अंतरावर राहणाऱ्या नागरिकांच्या मनात सुरक्षेबाबत विविध प्रश्न आहेत. अशा स्फोटाचा आम्हाला पूर्वानुभव नाही. पूल पाडणार असल्याच्या रात्री आम्ही नेमकी काय दक्षता घ्यायची. त्याचा आम्हाला काही धोका आहे किंवा नाही, याची कोणतीही माहिती प्रशासनाकडून देण्यात न आल्याने नागरिकांमध्ये याबाबत संभ्रम असल्याचे मत शिवपदम को. हौसिंग सोसायटीचे अध्यक्ष नितीन देवरे यांनी व्यक्त केले.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
तीन वर्षांत राज्यातील सर्व दस्त नोंदणी कार्यालये शासकीय जागेत; जागा शोधण्याचे महसूलमंत्र्यांचे जिल्हाधिकाऱ्यांना आदेश

संबंधित बातम्या

पुणे: ‘पीएमआरडीए’कडून वाल्हेकरवाडी, चिंचवडमध्ये व्यापारी गाळे उपलब्ध; ऑनलाइन अर्ज करण्याचे आवाहन
पुणे: आरोग्य विज्ञान विद्यापीठ भरती प्रक्रियेबाबत आक्षेप
वाहनांच्या नोंदणीचे प्रमाणपत्र पुन्हा ‘स्मार्ट कार्ड’मध्ये देण्याच्या हालचाली
पाडय़ांवर उभी राहात आहेत ‘सामाजिक उत्तरदायित्वा’तून स्नानगृह
गुंतवणुकीच्या आमिषाने सेवानिवृत्त शास्त्रज्ञाची एक कोटी १६ लाखांची फसवणूक, उच्चशिक्षित दाम्पत्यावर गुन्हा

व्हिडिओ

ताज्या बातम्या
चीनमध्ये जनआंदोलनानंतर करोना निर्बंध शिथिल 
तृतीयपंथीयांना नोकरीची संधी डावलता येणार नाही; उच्च न्यायालयाने राज्य सरकारला फटकारले
नेत्यांकडे स्वत:ची मते, व्यासंग असावा – देवेंद्र फडणवीस
गोवर रुग्णांच्या नमुन्यांच्या तपासणीसाठी हाफकीन तयार
Maharashtra Karnataka border: एसटीच्या ३८२ फेऱ्या अंशत: रद्द