शाब्बास! ‘मिशन वायू’साठी क्रिकेटपटू अजिंक्य रहाणेची मदतीची धाव

करोना संकटात ऑक्सिजनची मदत

सौजन्य-Indian express

देशात करोनामुळे झालेली बिकट स्थिती पाहता वेगवेगळ्या क्षेत्रातील दिग्गजांनी मदतीचा हात पुढे केला आहे. करोना स्थिती हाताळण्यासाठी जी जी मदत लागेल ती केली जात आहे. भारतीय क्रिकेट संघात कर्तृत्व गाजवण्याऱ्या अजिंक्य रहाणे यानेही मदतीसाठी पुढाकार घेतला आहे.

पुण्यातील मराठा चेंबर ऑफ कॉमर्स, इंडस्ट्रीज अँड अग्रिकल्चर (एमसीसीआयए) प्रणित पुणे प्लॅटफॉर्म फॉर कोविड रिस्पॉन्स (पीपीसीआर) या समूहाला क्रिकेटपटू अंजिक्य रहाणे याने ३० ऑक्सिजन कॉन्सन्ट्रेटर दिले आहेत. पीपीसीआरकडून ऑक्सिजनचा तुटवडा दूर करण्यासाठी मिशन वायू ही मोहीम राबवण्यात येत आहे. या अंतर्गत राज्यातील विविध जिल्ह्यांतील रुग्णालयांना आवश्यकतेनुसार व्हेंटिलेटर आणि ऑक्सिजन कॉन्सेन्ट्रेटर देण्यात येणार आहेत. या मोहिमेला क्रिकेटपटू अजिंक्य रहाणेची मोलाची साथ लाभली आहे. याबाबतची माहिती एमसीसीआयएनं ट्विटरद्वारे दिली आहे.

रुग्णालयात ऑक्सिजनचा तुटवडा असल्याने अनेकांना प्राण गमवावे लागत आहेत. त्यामुळे अजिंक्य रहाणेनं केलेल्या मदतीमुळे रुग्णांचे जीव वाचण्यास मदत होणार आहे.

पुणे : “साहेब, आमचा नंबर घ्या ना प्लिज…”; लसीकरण केंद्रावर पोलिसांना करावं लागलं पाचारण

अजिंक्य रहाणे सध्या आयपीएलमध्ये दिल्ली संघाकडून खेळत आहे. दिल्ली संघाने आतापर्यंत ७ पैकी ५ सामन्यात विजय मिळवला आहे. तर दोन सामन्यात पराभवाचं तोंड पाहावं लागलं आहे. अजिंक्यला चेन्नई आणि राजस्थान विरुद्धच्या सामन्यात संधी मिळाली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cricketer ajinkya rahane help 30 oxygen concentrators to missionvayu rmt

Next Story
मेट्रोचे स्टेशन कोथरूडच्या कचरा डेपोच्या जागीच होणार
ताज्या बातम्या