विद्येचं माहेरघर असलेलं पुणे शहर पोर्श कारच्या अपघाताने हादरलं आहे. पोर्श कारच्या अपघातात दोघांचा मृत्यू झाला आहे. या कारने धडक देणारा मुलगा अल्पवयीन बेदरकारपणे कार चालवत होता. त्याने दिलेल्या कारच्या धडकेमुळे अनिश अवधिया आणि अश्विनी कोस्टा हे दोघेजण ठार झाले आहेत. त्याला १५ तासांच्या आत जामीनही मिळाला. रविवारी ही घटना घडली. त्यानंतर आता आज उपमुख्यमंत्री आणि गृहमंत्री देवेंद्र फडणवीस हे पुण्यात पोहचले आहेत. पुण्यातल्या आयुक्तालयात त्यांनी बैठक घेतली आणि आत्तापर्यंत जे घडलं त्याचा आढावा घेतला. तसंच त्यांनी या प्रकरणी पुढील कारवाईचे निर्देश दिले आहेत. पुण्यातल्या पोर्श कारच्या या अपघात प्रकरणी गृहमंत्री अॅक्शन मोडवर असल्याचं दिसून आलं.

देवेंद्र फडणवीस यांनी घेतली बैठक

देवेंद्र फडणवीस यांनी आज पुण्यात पोहचून तातडीने पोलीस आयुक्ताला भेट दिली आणि पोलिसांसह बैठक घेतली. पोर्श कार चालवून दोघांना धडक देऊन ठार करणाऱ्या मुलाला जामीन मिळाल्याने सोशल मीडियातून आणि समाजातून तीव्र प्रतिक्रिया उमटत आहेत. गरीबांचा जीव स्वस्त झाला आहे का? बड्या उद्योजकांसाठी प्रशासन मवाळ का असा प्रश्न विचारण्यात येतो आहे. मात्र देवेंद्र फडणवीस यांनी पुण्यात पोहचून पोलिसांची तातडीची बैठक घेतल्याचं कळतं आहे. तसंच या प्रकरणात कुणाचीही गय करु नका असेही आदेश दिल्याचं कळतंय.

Young Woman Dies in accident, accident in pune, accident at katraj, Collision with ST Bus at Katraj Chowk, Young Woman Dies in Collision with ST Bus at Katraj Chowk, katraj news, pune news,
पुणे : हेम्लेट परिधान करूनही ती बचावली नाही; एसटी चाकाखाली सापडून तरुणीचा मृत्यू
Juvenile Justice Board, Juvenile Justice Board Under Scrutiny in Kalyaninagar Accident, Kalyaninagar Accident accused minor's Bail, Show Cause Notices Issued, pune porche car accident
कल्याणीनगर अपघात प्रकरणातील मुलाला जामीन मंजूर करताना चुका; बाल न्याय मंडळाच्या सदस्यांना कारणे दाखवा नोटीस
airport in purandar remains at its original location says murlidhar mohol
‘पुरंदरमधील विमानतळ मूळ जागेवरच’
mht cet result date latest marathi news
एमएचटी-सीईटीच्या निकालाची प्रतीक्षा संपणार…जाहीर झाली तारीख आणि वेळ…
lonavala tourists marathi news
सलग सुट्यांमुळे लोणावळ्यात पर्यटकांची गर्दी…लोणावळा शहरात वाहतूक कोंडी
sahitya akademi award marathi news
साहित्य अकादमीचा बालसाहित्य पुरस्कार भारत सासणे यांच्या कादंबरीला जाहीर, देविदास सौदागर यांची ‘उसवण’ युवा पुरस्काराची मानकरी
pune prostitution sinhagad road marathi news
पुणे: सिंहगड रस्ता परिसरात मसाज पार्लरच्या नावाखाली वेश्याव्यवसाय; तीन महिला ताब्यात
What happened to the three and a half thousand crore mephedrone case in Pune Pune print news What happened to the three and a half thousand crore mephedrone case in Pune
पुण्यातील साडेतीन हजार कोटींच्या मेफेड्रोन प्रकरणाचे काय झाले? कोणाकडे सोपवला तपास?
senior citizen who was injured in an attack by thieves died during treatment
चोरट्यांच्या हल्ल्यात जखमी झालेल्या ज्येष्ठ नागरिकाचा उपचारादरम्यान मृत्यू

नेमकी घटना काय घडली?

पुण्यातल्या कल्याणी नगर भागात भरधाव पोर्श कारच्या धडकेत आयटी कंपनीत काम करणाऱ्या अनिश अवधिया आणि अश्विनी कोस्टा या दोघांचा मृत्यू झाला. कारचालक हा पुण्यातली बड्या बांधकाम व्यावसायिकाचा मुलगा आहे. त्याला पोलिसांच्या स्वाधीन करण्यात आलं होतं पण तो साडेसतरा वर्षांचा असल्याने त्याला जामीन देण्यात आला. ज्यानंतर संताप व्यक्त होतो आहे. पोलिसांनी कारचालकाला म्हणजेच त्या अल्पवयीन मुलाला पिझ्झा आणि बर्गर आणून दिल्याचा आरोप विजय वडेट्टीवार आणि संजय राऊत यांनी केला. तसंच पुण्यातल्या तरुणांनी एकत्र येत पोलिसांच्या वागणुकीचा निषेध नोंदवला. या प्रकरणात देवेंद्र फडणवीस यांनी पुणे पोलीस आयुक्तांशी संवाद साधला होता. आज देवेंद्र फडणवीस हे थेट पुण्यात पोहचले आहेत त्यांनी या प्रकरणाचा आढावा घेतला आहे. तसंच कुठल्याही दबावाची पर्वा न करता कारवाई करा अशा सूचना दिल्या आहेत. मुख्यमंत्री एकनाथ शिंदे आणि उपमुख्यमंत्री आणि पुण्याचे पालकमंत्री अजित पवार यांनीही या प्रकरणी राजकीय दबावाची पर्वा न करता कारवाई करा असे निर्देश दिले आहेत.

हे पण वाचा- Pune Porsche Accident:अश्विनी आणि अनिश यांना पोर्शने धडक देण्याआधी काय घडलं? डिनर प्लॅन आणि..

या सगळ्या अपघात प्रकरणावर तरुणाई प्रश्नचिन्ह उपस्थित करत असताना उपमुख्यमंत्री आणि गृहमंत्री देवेंद्र फडणवीस अॅक्शन मोडवर आले आहेत. कायद्याने जे शक्य आहे ते सगळं काही करा असे आदेश त्यांनी सोमवारीच पोलीस आयुक्त अमितेश कुमार यांना दिले आहेत. आज अचानक त्यांनी पु्ण्यातील पोलीस आयुक्तालयाला भेट दिली. या प्रकरणात अल्पवयीन मुलाच्या वडिलांना छत्रपती संभाजीनगरातून अटक करण्यात आली आहे.