पुणे : मोटारीच्या धडकेने दुचाकीस्वार हॅाटेल व्यावसायिकाचा मृत्यू, कौन्सिल हॅाल चौकात अपघात

भरधाव मोटारीच्या धडकेने दुचाकीस्वार हॅाटेल व्यावसायिकाचा मृत्यू झाल्याची घटना कौन्सिल हॅाल चौकात घडली.

(संग्रहीत छायाचित्र)

पुणे : भरधाव मोटारीच्या धडकेने दुचाकीस्वार हॅाटेल व्यावसायिकाचा मृत्यू झाल्याची घटना कौन्सिल हॅाल चौकात घडली. अपघातानंतर पसार झालेल्या मोटारचालकाचा शोध घेण्यात येत आहे.

झाल दरायस खर्चेसी (वय ३९, रा. नॉर्थ मेन रोड, कोरेगाव पार्क) असे अपघातातात मृत्युमुखी पडलेल्या दुचाकीस्वार हॅाटेल व्यावसायिकाचे नाव आहे. खर्चेसी हे हॉटेल व्यावसायिक आहेत. पहाटे पावणेतीनच्या सुमारास मोटार चालक कौन्सिल हॉल चौकातून साधू वासवानी चौकाकडे निघाला होता. त्यावेळी भरधाव मोटारीने दुचाकीस्वार खर्चेसी यांना धडक दिली.

या अपघातात गंभीर जखमी झालेल्या खर्चेसी यांना पोलिसांनी तातडीने रुग्णालयात दाखल केले. उपचारादरम्यान हॉटेल व्यावसायिक खर्चेसी यांचा मृत्यू झाला. अपघातानंतर पसार झालेल्या मोटार चालकाचा शोध घेण्यात येत आहे. पोलीस उपनिरीक्षक सचिन पवार या प्रकरणी तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Death of hotel owner after a car hit in council hall chowk pune print news pbs

Next Story
पुणे : मैत्रिणीच्या पतीकडून तरूणीवर बलात्कार, समाजमाध्यमावर ध्वनीचित्रफित प्रसारित करण्याची धमकी
ताज्या बातम्या
फोटो गॅलरी