पिंपरी-चिंचवड महानगरपालिकेच्या ‘ग’ क्षेत्रीय कार्यालयाच्या आवारात पार्क केलेल्या चिंचवड निवडणूक निर्णय अधिकाऱ्याची चारचाकी गाडी दिव्यांग व्यक्तीने पेटवून देण्याचा प्रयत्न केला आहे. अपक्ष अंध उमेदवार विनायक सोपान ओव्हाळ आणि त्यांचा साथीदार नागेश गुलाबराव काळे यांनी गाडी पेट्रोल टाकून पेटवून देण्याचा प्रयत्न केला आहे. याप्रकरणी आतापर्यंत चौघांना ताब्यात घेण्यात आल आहे. दोन्ही दिव्यांग व्यक्तीच्या विविध मागण्यासाठी वाहनाच्या तोडफोडीचा प्रयत्न आणि वाहन पेटवून देण्याचा प्रयत्न केल्याचे पोलीस तपासात समोर आले आहे. या घटनेचा आणि निवडणुकीचा काही संबंध नाही, अशी माहिती देखील पोलिसांनी दिली आहे.
हेही वाचा – विमानात बॉम्ब ठेवल्याची अफवा, विमान कंपनीसह प्रवाशांना मनस्ताप
चिंचवड विधानसभा मतदारसंघाचे निवडणूक निर्णय अधिकारी अरुण पवार यांची चारचाकी गाडी ‘ग’ क्षत्रीय कार्यालयाच्या आवारात पार्क करण्यात आली होती. दुपारी साडेचारच्या सुमारास अपक्ष अंध उमेदवार विनायक सोपान ओव्हाळ आणि त्यांचा साथीदार नागेश काळे यांनी निवडणूक निर्णय अधिकारी अरुण पवार यांची गाडी फोडण्याचा आणि पेट्रोल टाकून पेटवून देण्याचा प्रयत्न केला आहे. या घटनेनंतर तात्काळ आग विझवण्यात आली. याप्रकरणी पोलिसांनी ओव्हाळ आणि काळे यांच्यासह चार जणांना ताब्यात घेतल आहे. ओव्हाळ आणि नागेश यांच्या वेगवेगळ्या मागण्या आहेत.
हेही वाचा – पुण्यातील कसबा, पर्वती आणि शिवाजीनगर या तीन मतदारसंघात महाविकास आघाडीमध्ये बंडखोरी
दोघांच्या मागण्या खालील प्रमाणे आहेत.
- थेरगाव हॉस्पिटल येथे कॅन्टींग चालवण्यास मिळावे.
- रांका ज्वेलर्स एम्पायर इस्टेट येथे रसवंतीगृह चालवण्यास परवानगी देण्यात यावी.
- रमाई आवास योजनेअंतर्गत घर मिळालेले नाही.
- पत्नीस नोकरी मिळाली नाही.
- नागेश काळे हे दिव्यांग असून त्यांचं पंतप्रधान आवास योजनेअंतर्गत अद्याप घर मिळाले नाही. ते वेटिंगवर आहे.
