सदाशिव पेठेतील पुणे विद्यार्थी गृह संस्थेच्या आवारात बेकायदा प्रवेश करून संस्थेतील संचालकांना शिवीगाळ केल्याच्या आरोपावरून चाळीस जणांविरुद्ध गुन्हा दाखल करण्यात आला.
हेही वाचा – पुणे : हिरवी मिरचीच्या दरात वाढ, बहुतांश फळभाज्यांचे दर स्थिर
या प्रकरणी पतित पावन संघटनेचे श्रीकांत शिळीमकर यांच्यासह ४० जणांविरुद्ध गुन्हा दाखल करण्यात आला. याबाबत पुणे विद्यार्थी गृहाचे कार्याध्यक्ष सुनील रेडेकर यांनी विश्रामबाग पोलीस ठाण्यात फिर्याद दिली आहे. रेडेकर हे पुणे विद्यार्थी गृह संस्थेत कार्याध्यक्ष आहेत. तेथील एका कर्मचाऱ्याचे वेतनाबाबत संस्था चालकांशी वाद सुरू आहेत. कर्मचाऱ्याच्या सांगण्यावरून शिळीमकर जमावासमवेत संस्थेत गेले. त्यांनी रेडेकर यांना शिवीगाळ करून जीवे मारण्याची धमकी दिली, असे रेडेकर यांनी दिलेल्या फिर्यादीत म्हटले आहे. पोलीस उपनिरीक्षक कुंभारे तपास करत आहेत.
