पुणे : ससून रुग्णालयात येणारे रुग्ण हे प्रामुख्याने गरीब असतात. अशा रुग्णांना बाहेरून औषधे आणण्यास सांगू नये. रुग्णालयात उपलब्ध असतील तीच औषधे डॉक्टरांनी लिहून द्यावीत, अशी तंबी बी. जे. वैद्यकीय महाविद्यालय तथा ससून सर्वोपचार रुग्णालयाचे अधिष्ठाता डॉ. एकनाथ पवार यांनी शुक्रवारी दिली.

मुंबईतील जे. जे. वैद्यकीय महाविद्यालयातील अस्थिव्यंगोपचार विभागाचे प्रमुख डॉ. एकनाथ पवार यांच्याकडे ससूनच्या अधिष्ठातापदाचा अतिरिक्त कार्यभार सोपविण्यात आला आहे. त्यांनी शुक्रवारी पदाची सूत्रे हाती घेतली. यानंतर महाविद्यालय परिषदेची बैठक त्यांनी घेतली. सूत्रांनी दिलेल्या माहितीनुसार, औषधखरेदी आणि रुग्णांना बाहेरून औषधे आणण्यास लावण्याच्या मुद्द्यावर बैठकीत चर्चा झाली. डॉक्टरांनी कोणत्याही परिस्थितीत रुग्णांना बाहेरून औषधे आणावयास सांगू नये. रुग्णांना औषधे लिहून देताना रुग्णालयात उपलब्ध असतील तीच औषधे द्यावीत, अशी तंबी त्यांनी दिली.

rumor, Vishal Agarwal absconding, pimpri chinchwad police, porsche car accident
विशाल अगरवाल पोलिसांच्या ताब्यातून फरार? पिंपरी चिंचवड पोलिसांनी केला खूलासा…
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
Ghatkopar hoardings
घाटकोपर होर्डिंग दुर्घटनेप्रकरणी मोठी अपडेट; होर्डिंगला परवानगी देणाऱ्या IPS अधिकाऱ्याच्या पत्नीचं कनेक्शन? अनोळखी खात्यातून व्यवहार
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
pune thief escape from jail marathi news,
पुणे: हडपसर पोलीस ठाण्याच्या लाॅकअपमधून चोरटा पसार
IAS Pooja Khedkar WhatsApp Chat Pune Collector Office
Pooja Khedkar Chat : “सर्व व्यवस्था करून ठेवा…”, पूजा खेडकर यांचे ‘ते’ व्हॉट्सॲप चॅट व्हायरल
ghatkopar hoarding case
घाटकोपर होर्डिंग दुर्घटनेप्रकरणी मोठी अपडेट; राज्याचे अतिरिक्त पोलीस महासंचालक कैसर खालिद निलंबित
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल

आणखी वाचा-पुण्यात डेंग्यूचा उद्रेक! मोठ्या संख्येने रुग्ण आढळल्याने महापालिका ‘ॲक्शन मोड’वर

मागील काही दिवसांत ससूनमधील डॉक्टरांनी रुग्णांना बाहेरून औषधे आणण्यास सांगितल्याच्या घटना घडल्या होत्या. रुग्णांना रुग्णालयातच मोफत औषधे देण्याचे धोरण आधीपासून स्वीकारण्यात आले आहे. मात्र, काही डॉक्टर रुग्णांना बाहेरून औषधे आणण्यास सांगतात, अशा तक्रारी वारंवार येतात. त्यामुळे डॉ. पवार यांनी पहिल्याच बैठकीत याची गंभीर दखल घेऊन असे प्रकार टाळण्याचे निर्देश दिले आहेत.

ससूनला पूर्वीचा लौकिक मिळवून देणार

अधिष्ठाता पदाचा कार्यभार स्वीकारल्यानंतर लोकसत्ताशी बोलताना डॉ. पवार म्हणाले, की मी याच महाविद्यालयाचा विद्यार्थी आहे. त्यामुळे मला या संस्थेबद्दल आत्मीयता आहे. मागील काही काळात घडलेल्या घटनांमुळे संस्थेच्या लौकिकाला धक्का बसला आहे. संस्थेला पूर्वीचा लौकिक मिळवून देण्याचे माझे प्रयत्न असतील. ससून रुग्णालयातील रुग्णसेवा सुधारण्यास प्राधान्य दिले जाईल. रुग्णांना योग्य आणि वेळेत उपचार मिळावेत या दृष्टीने पावले उचलली जाणार आहेत.