ज्येष्ठ समाजसेवक डॅा. प्रकाश आमटे यांना प्रकृती अस्वास्थ्यामुळे पुण्यातील खासगी रुग्णालयात उपचारांसाठी दाखल करण्यात आले आहे. डॅा. आमटे हे बी. जे. वैद्यकीय महाविद्यालयाच्या दीक्षांत समारंभासाठी पुण्यात आले असता त्यांना ताप आणि खोकल्याचा त्रास जाणवला. म्हणून त्यांना  दीनानाथ मंगेशकर रुग्णालयामध्ये  दाखल करण्यात आले आहे.

आजाराचे निदान करण्यासाठी तपासण्या आणि उपचार सुरु असून उपचारांना ते प्रतिसादही देत आहेत. सध्या डॅाक्टरांनी त्यांना पूर्ण विश्रांतीचा सल्ला दिला आहे. डॅा. आमटे यांचे चिरंजीव अनिकेत आमटे यांनी समाज माध्यमातून याबाबत माहिती दिली आहे.

Anant Ambani and Radhika Marchant pri Wedding
Video : जामनगरमध्ये व्हीआयपी पाहुण्यांसाठी अंबानी कुटुंबाने उभारले आलिशान तंबू, आतील सोयी बघून तुम्हीही व्हाल थक्क
Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
The senior clerk of Ghati Hospital was caught by the anti corruption department team while taking Rs
घाटी रुग्णालयातील वरिष्ठ लिपिक तीन हजार घेताना “लाचलुचपत” च्या सापळ्यात
Demolition of Shiv flyover delayed again due to examinations Mumbai
मुंबई: परीक्षांमुळे शीव उड्डाणपुलाचे पाडकाम पुन्हा लांबणीवर

सध्या न्युमोनियावर उपचार सुरु आहेत. शिवाय, इतर काही तपासण्यांमधुन ल्युकेमियाची (रक्ताच्या कर्करोगाची) सुरुवात असल्याचे लक्षात आले आहे. मात्र डॅा. आमटे यांची प्रकृती उत्तम असून ते उपचारांना ते चांगला प्रतिसाद देत असल्याचे त्यांच्या निकटवर्तीयांकडून सांगण्यात आले आहे.

“डॉक्टर प्रकाश आमटे हे ८ जून रोजी पुणे येथे बीजे मेडिकल कॉलेजमध्ये दीक्षांत समारंभाला आले असता त्यांना जास्त ताप व खोकल्याचा त्रास झाला म्हणून एका खासगी रुग्णालयात उपचार व तपासण्या सुरू आहेत व पूर्ण विश्रांतीचा डॉक्टरांनी सल्ला दिला आहे. आज उपचाराला थोडा प्रतिसाद मिळाला आहे. कदाचित ‘Lukemia’ ची शक्यता आहे. त्या साठी पुढील तपासण्या सुरू आहेत. सर्वांना नम्र विनंती आहे की सध्या त्यांना फोन/मेसेज करू नये. भेटायला येऊ नये. लवकरच ते ठणठणीत बरे होतील यासाठी आपण सर्व प्रार्थना करूया. अधिक माहिती नितीन पवार देतील,” असं अनिकेत आमटे यांनी फेसबुक पोस्टद्वारे कळवलं आहे.