Dussehra Festival Market Yard Free space available farmers sell flowers pune print news ysh 95 | Loksatta

पुणे : दसऱ्यानिमित्त मार्केट यार्डात फूल महोत्सव; शेतकऱ्यांना फूल विक्रीसाठी नि:शुल्क जागा उपलब्ध

शेतकऱ्यांना फूल विक्रीसाठी कृषी उत्पन्न बाजार समितीकडून कोणतेही शुल्क न आकारता जागा उपलब्ध करुन देण्यात येणार आहे.

पुणे : दसऱ्यानिमित्त मार्केट यार्डात फूल महोत्सव; शेतकऱ्यांना फूल विक्रीसाठी नि:शुल्क जागा उपलब्ध
दसऱ्यानिमित्त मार्केट यार्डात फूल महोत्सव

पुणे : पुणे कृषी उत्पन्न बाजार समितीकडून दसऱ्यानिमित्त फूल महोत्सवाचे आयोजन करण्यात आले आहे. शेतकऱ्यांना फूल विक्रीसाठी कृषी उत्पन्न बाजार समितीकडून कोणतेही शुल्क न आकारता जागा उपलब्ध करुन देण्यात येणार आहे. साडेतीन मुहूर्तापैकी एक असलेल्या दसऱ्यासाठी फुलांना मोठी मागणी असते. श्री छत्रपती शिवाजी मार्केट यार्डातील फळ आणि भाजीपाला विभागाच्या समोरील शेतीमाल वाहतूक करणाऱ्या गाड्या लावल्या जातात. तेथील जागा फूल विक्रेत्यांना उपलब्ध करून दिली जाणार आहे, अशी माहिती कृषी उत्पन्न बाजार समितीचे प्रशासक मधुकांत गरड यांनी दिली. या वेळी भाजीपाला विभागाचे प्रमुख बाबासाहेब बिबवे उपस्थित होते.

हेही वाचा >>> Maharashtra Breaking News Live : देशपातळीवर राज्यात ठाणे महापालिकेचा तिसरा क्रमांक; राज्यातील इतर महत्त्वाच्या बातम्या वाचा एका क्लिकवर..

हेही वाचा >>> नवरात्रोत्सवात नारळांना मागणी; दररोज दीड ते दोन लाख नारळांची आवक

या जागेवर शेतकरी नसलेली व्यक्ती फूल विक्री करु शकते. मात्र, त्यांच्याकडून दिवसाला एक हजार रुपये शुल्क आकारण्यात येणार आहे. बाजारातील अडते फूल विक्री करु शकतात. त्यांना नियमाप्रमाणे बाजार कर (सेस) भरावा लागणार आहे. दसऱ्याला झेंडू, शेवंतीसह विविध प्रकारच्या फुलांना मागणी असते. दरवर्षी शेतकरी मार्केट यार्डातील शिवनेरी रस्ता, भुसार बाजार परिसरात गाड्या लावून फुलांची विक्री करतात. शिवनेरी रस्त्यावर कोंडी होत असल्याने बाजार समितीने फूल विक्रीसाठी जागा उपलब्ध करुन दिली आहे. ठरवून दिलेल्या ठिकाणी फूल विक्रीस परवागनी देण्यात आली आहे. मार्केट यार्डातील फूल बाजारातील व्यापारी दरवर्षी प्रमाणे व्यापार करणार आहेत, असे त्यांनी नमूद केले.

हेही वाचा >>> पुणे : पावसामुळे फळभाज्यांचे नुकसान ; कांदा, टोमॅटो, मिरची, फ्लॅावर, कोबी, मटार महाग

बाजार समितीच्या आवारातील प्रवेशद्वार क्रमांक सातजवळ गुरांचा बाजार आहे. तेथील जागेत आंब्याच्या हंगामात तात्पुरते छत उभे करुन आंबा विक्रीस परवानगी दिली जाते. यंदा दसऱ्यापर्यंत या जागेत शेतीमालाचे ट्रक लावण्यास मुभा देण्यात आली आहे. तेथे शेतीमाल वाहतूक करणारे ट्रक लावावेत, असे आवाहन बाजार समितीकडून करण्यात आले आहे.

दसऱ्यानिमित्त शेतकऱ्यांना फूल विक्रीसाठी बाजार समितीकडून कोणतेही शुल्क न आकारता जागा उपलब्ध करुन देण्यात येणार आहे. मात्र, शेतकऱ्यांनी पिकांची नोंद असलेला सात-बारा उतारा आणि आधारकार्ड देणे बंधनकारक करण्यात आले आहे.

– मधुकांत गरड, प्रशासक, पुणे कृषी उत्पन्न बाजार समिती

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
अकरावी प्रवेशांसाठी १५ ऑक्टोबरपर्यंत मुदतवाढ; दैनंदिन गुणवत्ता फेरीला अपेक्षित प्रतिसाद नाही

संबंधित बातम्या

पुण्यातील बाळासाहेबांची शिवसेनेच्या पहिल्या जाहीर मेळाव्याकडे कार्यकर्त्यांची पाठ
Exclusive Video : गोष्ट पुण्याची भाग- ५८ : हजारो वर्षांपूर्वी भारतात आलेल्या बेनेइस्राइल समाजाचे प्रार्थनालय
पुणे: कमी पटसंख्येच्या शाळा बंद नाही करण्यात येणार नाही; शिक्षण आयुक्त सूरज मांढरे यांची स्पष्टोक्ती
पुणे : पार्सल पाठविण्यासाठी टपाल कार्यालयाची विशेष सेवा
सर्वाना आरक्षण मान्य, मग अडलंय कुठे!

व्हिडिओ

ताज्या बातम्या
“२००३ ला मी ऑडिशन…” सिद्धार्थ जाधवने सांगितला ‘तुंबाड’ चित्रपटाबद्दलचा ‘तो’ किस्सा
धक्कादायक: प्रेषित म्हणवणाऱ्या या गृहस्थाला २० पत्नी; आपल्याच कोवळ्या मुलीशीही केला विवाह
शशी थरूर यांना थेट राष्ट्रवादीकडून ऑफर, म्हणाले “पक्षात येण्याची… “
Video: पारंपरिक थाट, शाही सोहळा अन् समुद्रकिनारा; अभिनेत्याचा वेडिंग व्हिडीओ ठरतोय चर्चेचा विषय
“ठाकरे गट आणि प्रकाश आंबेडकर आधीपासून एकत्रच, आज केवळ…”, भाजपाचा मोठा दावा