scorecardresearch

Premium

खासदार कलमाडी यांचा अखेर विश्वजित यांना जाहीर पाठिंबा

खासदार सुरेश कलमाडी यांनी पडदा टाकला असून काँग्रेसचे उमेदवार विश्वजित कदम यांना पाठिंबा देऊन कलमाडी यांनी निवडणूक रिंगणातून मंगळवारी माघार घेतली.

खासदार कलमाडी यांचा अखेर विश्वजित यांना जाहीर पाठिंबा

पुण्यातून लोकसभा निवडणूक लढण्यासंबंधी गेले पाच-सहा दिवस सुरू असलेल्या चर्चेवर अखेर खासदार सुरेश कलमाडी यांनी पडदा टाकला असून काँग्रेसचे उमेदवार विश्वजित कदम यांना पाठिंबा देऊन कलमाडी यांनी निवडणूक रिंगणातून मंगळवारी माघार घेतली. तसे पत्रही त्यांनी प्रसिद्धीसाठी दिले आहे. कदम यांना मोठय़ा बहुमताने निवडून द्यावे असेही आवाहन कलमाडी यांनी केले आहे.
काँग्रेसने उमेदवारी नाकारल्यानंतरही कलमाडी निवडणूक रिंगणात उतरणार, का बाहेर राहणार याबाबत अनिश्चितता होती. माझ्या प्रदीर्घ राजकीय वाटचालीत मला सावलीसारखी साथ देणाऱ्या हजारो कार्यकर्त्यांशी संवाद साधून त्यांच्याशी विचारविनिमय करणे मी महत्त्वाचे मानले. गेल्या काही दिवसांत कार्यकर्त्यांबरोबर माझ्या बैठकाही झाल्या. सामाजिक कार्यकर्त्यांशीही माझी चर्चा झाली. सर्वानी निर्णय करून माझ्यावर निर्णय सोपवला आणि पुण्याच्या दीर्घ हिताचा विचार करून काँग्रेसच्या विश्वजित कदम यांच्या उमेदवारीस बिनशर्त पाठिंबा देण्याची भूमिका जाहीर करताना मला आनंद होत आहे, असे कलमाडी यांनी प्रसिद्धीस दिलेल्या पत्रकात म्हटले आहे.
पुण्याचा विकास हाच माझा ध्यास राहिला आहे. पुण्याचे पुणेरीपण टिकवत विकासाचे अनेक महत्त्वाकांक्षी प्रकल्प मी आणू शकलो. तसेच शहराच्या विकासासाठी देखील अनेक योजना राबवू शकलो. त्याचे मोठे समाधान मला आहे. विकासाची ही प्रक्रिया विश्वजित कदम यांनी पुढे निरंतर चालू ठेवावी. तसा प्रयत्न ते करतील अशी आशा मला आहे. पुण्याशी माझे भावनिक नाते आहे. पुण्याचे नाव सदैव उंच राहावे यासाठी मी सतत प्रयत्न केला. पुणेकरांचा मी सदैव ऋणी आहे. पुणेकरांचे प्रेम आणि जिव्हाळा मला सदैव लाभला. यापुढेही पुणेकरांसाठी, त्यांच्या प्रश्नांची सोडवणूक करण्यासाठी मी सदैव उपलब्ध असेन, असेही कलमाडी यांनी या पत्रकात नमूद केले आहे.

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
boy saved in dumas sea
१२ वर्षांच्या मुलाची २६ तास समुद्राशी झुंज; गणेशमूर्ती बसवायच्या लाकडी फळीचा मिळाला आधार!
kitchen tips in marathi how to make roti with tea strainer kitchen jugaad video viral
Kitchen Jugaad: चपातीवर चहाची गाळणी नक्की फिरवा; अशी कमाल होईल की तुम्ही विचारही केला नसेल, काय ते VIDEO मध्ये पाहा
stranded passengers near panvel station get immediate help after chief minister call
नवी मुंबई : ८ ते १० तास ट्रेन एकाच ठिकाणी थांबलेली, वैतागलेल्या प्रवाशाचा थेट मुख्यमंत्र्यांना फोन, पुढे काय झालं?

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Election suresh kalmadi congress

संबंधित बातम्या

तुम्ही या बातम्या वाचल्या आहेत का? ×