नव्या वर्षात पुन्हा निवडणुका… मतदारयाद्यांची तयारीही सुरू

लोकसभा निवडणुका झाल्यानंतर सहकार निवडणूक प्राधिकरणाकडून एक ऑक्टोबर रोजी निवडणुका घेण्याबाबत नियोजन करून कार्यवाही सुरू केली होती. मात्र, विधानसभा निवडणुकीमुळे पुन्हा सहकारी संस्थांच्या निवडणुकांना स्थगिती देण्यात आली. विधानसभा निवडणुकीत सहकार विभागातील अधिकारी-कर्मचारी यांना कामकाजात सामावून घेण्यात आले होते. विधानसभा निवडणुकीची आचारसंहिता संपली आहे. त्यामुळे राज्यातील अ वर्गातील ४२, ब वर्गातील १,७१६, क वर्गातील १२,२५० आणि ड वर्गातील १५,४३५ अशा एकूण २९ हजार ४४३ सहकारी संस्थांच्या निवडणुका होणार आहेत. यापैकी पहिल्या टप्प्यात ७,१०९ सहकारी संस्थांची निवडणूक प्रक्रिया सुरू करण्यात आली होती. त्यानुसार २५० किंवा त्यापेक्षा कमी सभासद असलेल्या सहकारी गृहनिर्माण संस्था तसेच ज्या प्रकरणी सर्वोच्च आणि उच्च न्यायालयाने सहकारी सस्थांच्या निवडणुका घेण्याबाबत सूचना केल्या आहेत, अशा संस्थांची निवडणूक प्रक्रिया पार पडली असून केवळ अध्यक्ष आणि उपाध्यक्ष यांची नेमणूक करण्याचे आदेश दिले होते. अध्यक्ष, उपाध्यक्षांची निवड केली आहे किंंवा नाही, याबाबत संबंधित संस्थांकडून माहिती मागविण्यात येणार आहे.

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Ladki Bahin Yojna : लाडक्या बहिणींना २१०० रुपयांसाठी…

मविआतील बंडखोरी आदिती तटकरेंच्या पथ्यावर ?

डोंबिवलीतील ज्येष्ठ शिवसैनिक सदानंद थरवळ यांचे भाजपला समर्थन, शिवसेनाप्रमुखांना अनावृत्तपत्र लिहून व्यक्त केल्या भावना

अहेरीत आत्राम काका-पुतण्यात थेट लढत? अपक्षांमुळे प्रस्थापितांच्या मनात धाकधूक…

Maharashtra Vidhan Sabha Election 2024 : प्रचार थांबला; आता चेंडू मतदारांच्या कोर्टात, २० नोव्हेंबरची प्रतिक्षा

राज्यात शेतकऱ्यांच्या आत्महत्यांचा विषय गंभीर – शरद पवार

हेही वाचा…पुणेकरांना दिलासा… काय आहे नियमात बदल?

े

नववर्षाच्या सुरुवातीला या संस्थांच्या निवडणुका होणार आहेत. याबाबत संबंधित संस्थांच्या मतदारयाद्या अद्ययावत करण्याच्या सूचना जिल्हा पातळीवर देण्यात आल्या आहेत. ३१ डिसेंबरच्या आत मतदारयाद्या प्राप्त होताच संबंधित संस्थांच्या निवडणुकांचा कार्यक्रम जाहीर करण्यात येईल, अशी माहिती सहकार निवडणूक प्राधिकरणाचे आयुक्त अनिल कवडे यांनी दिली.

हेही वाचा…पुणे: शहरात तूर्त हेल्मेट सक्तीच्या कारवाईचा बडगा नाही, जानेवारीत अंमलबजावणी करण्याचे पोलीस आयुक्तांचे संकेत

विधानसभा निवडणुकीमुळे ३१ डिसेंबरपर्यंत सहकारी संस्थांच्या निवडणुकांना स्थगिती देण्यात आली होती. निवडणूक कार्यक्रम संपल्याने आता राज्यातील रखडलेल्या सहकारी संस्थांच्या मतदारयाद्या तयार करण्याच्या सूचना संबंधित संस्थांना देण्यात आल्या आहेत. राज्य शासनाकडून आदेश प्राप्त होताच नवर्षात निवडणुका जाहीर करण्यात येतील. अनिल कवडे, आयुक्त, सहकार निवडणूक प्राधिकरण