डांबर असलेल्या ड्रममध्ये अडकलेल्या दोन श्वानांची अग्निशमन दलाच्या जवानांनी सुटका केली. कोंढवा भागातील सोसायटीच्या परिसरात ही घटना घडली. कोंढवा भागातील पारगेनगर परिसरात डीएसके सोसायटी आहे. सोसायटीच्या मागील बाजूस डांबर ठेवलेल्या ड्रममध्ये दोन श्वान अडकल्याची माहिती रहिवाशांनी अग्निशमन दलाच्या नियंत्रण कक्षाला दिली. त्यानंतर जवान घटनास्थळी दाखल झाले. जवानांनी वाईल्ड अनिमल्स अँड स्नेक प्राेटेक्शन सोसायटीचे अध्यक्ष अनंद अडसुळ यांच्याशी संपर्क साधला.
हेही वाचा >>> पुणे: लोकशाहीर अण्णाभाऊ साठे जयंतीनिमित्ताने स्वारगेट भागात ‘असा’ झालाय वाहतूक बदल
या संस्थेचे दोन सदस्य तेथे पोहोचले होते. जवानांनी शक्कल लढवून सर्क्युलर सॉ अग्निशमन उपकरण वापरून ड्रमचे दोन भाग केले. त्यानंतर अग्निशमन वाहनातील बचाव साहित्य, तेलाचा वापर करन तासाभरात दाेन श्वानांची सुखरूप सुटका केली. कोंढवा खुर्द अग्निशमन केंद्रातील तांडेल निलेश लोणकर, वाहनचालक दिपक कचरे तसेच जवान रवि बारटक्के, सागर इंगळे, अनिकेत गोगावले, मनोज गायकवाड, संतोष माने आणि वाईल्ड एनिमल्स अँन्ड स्नेक्स प्रोटेक्शन सोसायटीचे सदस्य लक्ष्मण वाघमारे, संदेश रसाळ यांनी ही कामगिरी केली स्थानिक रहिवाशी प्रतिभा पवार यांनी अग्निशमन दलाकडे वेळीच माहिती दिल्याने अग्निशमन दल, प्राणी मित्र संस्थेने श्वानाची सुटका वेळेवर केल्याने दाेन श्वान बचावले.
