scorecardresearch

पुणे-मुंबई हायवेवर अज्ञात वाहनातून चार कोटी रुपये जप्त

याप्रकरणी दोघांना ताब्यात घेण्यात आलं आहे.

लोणावळा ग्रामीण पोलिसांनी पुणे-मुंबई द्रुतगती मार्गावरून जाणाऱ्या स्विफ्ट मधून चार कोटी पकडले आहेत. या प्रकरणी दोघांना ताब्यात घेण्यात आले असून त्यांच्याकडे कागदपत्रे, वाहन परवाना नाही. त्यामुळं या घटनेचा अधिक तपास आयकर विभाग करत आहे. महेश नाना माने (चालक), विकास संभाजी घाडगे यांना ताब्यात घेण्यात आलं आहे. 

पोलिसांनी दिलेल्या माहितीनुसार, मुंबईहून पुण्याच्या दिशेने अज्ञात वाहनातून शस्त्र आणि पैसे घेऊन जाणार असल्याची माहिती लोणावळा ग्रामीण पोलिसांना मिळाली होती. त्यानुसार, पोलिसांच एक पथक तयार करण्यात आलं. सोमवारी सायंकाळी सहा च्या सुमारास KA-53-MB-8508 मारुती स्विफ्ट ही गाडी भरधाव पुण्याच्या दिशेने येत होती. पोलिसांनी हाथ केल्यानंतर गाडी थांबली नाही. तिचा पोलिसांनी सिनेस्टाईल पाठलाग करून थांबवले. चालक महेश आणि विकासला ताब्यात घेण्यात आलं.

गाडीतील प्रत्येक कोपरा तपासला, एका चोर कप्प्यात तब्बल चार कोटी रुपये पोलिसांना आढळले. या प्रकरणी दोघांकडे कागदपत्रे, वाहन परवाना मागितला. परंतु, दोघांकडे काही नव्हतं. अखेर दोघांना पोलीस ठाण्यात घेऊन जाण्यात आलं. या प्रकरणाची माहिती आयकर विभागाला देण्यात आली असून पुढील कारवाई करत आहेत. ही कारवाई लोणावळा ग्रामीण चे वरिष्ठ पोलीस निरीक्षक प्रवीण मोरे यांच्या मार्गदर्शनाखाली करण्यात आली आहे. 

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Four crore seized from car on pune mumbai highway kjp 91 hrc

ताज्या बातम्या