scorecardresearch

पिंपरीः लग्न जमविण्यासाठी विधी करण्याच्या नावाखाली महिलेची १२ लाखांची फसवणूक

लग्न जमवताना येणाऱ्या अडचणी दूर करण्यासाठी पूजा:अर्चा करावी लागेल, असे सांगून चिखलीतील एका ३६ वर्षीय महिलेची १२ लाख रूपयांची फसवणूक करण्याचा प्रकार उघड झाला आहे.

पिंपरीः लग्न जमविण्यासाठी विधी करण्याच्या नावाखाली महिलेची १२ लाखांची फसवणूक
(संग्रहित छायचित्र)

लग्न जमवताना येणाऱ्या अडचणी दूर करण्यासाठी पूजा:अर्चा करावी लागेल, असे सांगून चिखलीतील एका ३६ वर्षीय महिलेची १२ लाख रूपयांची फसवणूक करण्याचा प्रकार उघड झाला आहे. विशाल शर्मा (रा. जोहारीपूर, उत्तराखंड) असे आरोपीचे नाव आहे. त्याच्या विरोधात फसवणुकीचा गुन्हा दाखल करण्यात आला आहे. आरोपीविषयी संपूर्ण माहिती उपलब्ध नसल्याचे पोलिसांनी सांगितले.

हेही वाचा >>>पिंपरीः एसकेएफ कंपनीच्या उपव्यवस्थापकाला ४८ लाखांच्या अपहार प्रकरणी अटक

पोलिसांनी दिलेल्या माहितीनुसार, चिखलीतील एका महिलेने वधू-वर सूचक मंडळात नावनोंदणी केली होती. आरोपीने तेथून तिचा मोबाइल क्रमांक मिळवला व तिच्याशी संपर्क साधला. लग्न जमविताना येणाऱ्या अडचणी दूर करण्यासाठी पूजाअर्चा करावी लागेल, असे सांगून आरोपीने संबंधित महिलेकडून वेळोवेळी १२ लाख १७ हजार रूपये उकळले. याप्रकरणी फसवणूक झाल्याची तक्रार महिलेने चिखली पोलिसांकडे दिली आहे. पोलीस उपनिरीक्षक कुदळे पुढील तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 02-12-2022 at 18:17 IST

संबंधित बातम्या