समाजमाध्यमावरील ओळख महागात ,उच्चशिक्षित महिलेची तीन लाखांची फसवणूक |fraud with highly educated women socal media cyber crime pune | Loksatta

समाजमाध्यमावरील ओळख महागात ,उच्चशिक्षित महिलेची तीन लाखांची फसवणूक

या प्रकरणी येरवडा पोलिसांनी सायबर चोरट्यांच्या विरोधात माहिती-तंत्रज्ञान कायद्यान्वये गुन्हा दाखल केला आहे.

समाजमाध्यमावरील ओळख महागात ,उच्चशिक्षित महिलेची तीन लाखांची फसवणूक
प्रतिनिधिक छायाचित्र/ लोकसत्ता

पुणे : समाजमाध्यमावर अनोळखी व्यक्तीशी मैत्री एका उच्चशिक्षित महिलेला महागात पडली. परदेशात डाॅक्टर असल्याची बतावणी करणाऱ्या चोरट्याने भेटवस्तू पाठविण्याच्या आमिषाने महिलेची तीन लाख २५ हजार रुपयांची फसवणूक केल्याचा प्रकार उघडकीस आला आहे.या प्रकरणी येरवडा पोलिसांनी सायबर चोरट्यांच्या विरोधात माहिती-तंत्रज्ञान कायद्यान्वये गुन्हा दाखल केला आहे. याबाबत एका ३३ वर्षीय उच्चशिक्षित महिलेने फिर्याद दिली आहे. तक्रारदार महिलेला समाजमाध्यमावरुन अनोळखी व्यक्तीने मैत्रीची विनंती पाठविली. महिलेने विनंती स्वीकाली. त्यानंतर सायबर चोरटा आणि महिलेचा संवाद वाढला.

चोरट्याने ऑस्कर हॅरी असे नाव सांगून परदेशात डाॅक्टर असल्याची बतावणी केली होती. त्यानंतर चोरट्याने महिलेला परदेशातून भेटवस्तू पाठविण्याचे आमिष दाखविले. चोरट्याने विमानाने वस्तू विमानतळावर पाठविल्या असून सीमाशुल्क विभागाचा (कस्टम) कर भरावा लागेल, अशी बतावणी केली. त्यानंतर महिलेला एका बँक खात्यात पैसे जमा करण्यास सांगितले. महिलेने तीन लाख २५ हजार रुपये बँक खात्यात जमा केले. पैसे जमा केल्यानंतर पुन्हा पैशांची मागणी करण्यात आल्याने महिलेला संशय आला. तिने पोलिसांकडे तक्रार दिली. वरिष्ठ पोलीस निरीक्षक उत्तम चक्रे तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पुणे : शाळांना शालेय पोषण आहाराच्या जुन्या नोंदी भरण्याची सुविधा

संबंधित बातम्या

ज्येष्ठ साहित्यिक डॉ. नागनाथ कोतापल्लेंची प्रकृती चिंताजनक; पुण्यात उपचार सुरू
पुणे: हाॅटेलमध्ये हाणामारी; १३ जणांच्या विरोधात गुन्हा; वारजे भागातील घटना
‘राज्यपाल हटाव’च्या मुद्द्यावर संभाजीराजे-उदयनराजे आक्रमक, अजित पवार म्हणाले, “कोश्यारी खासगीत म्हणतात…”
पुणे: ‘पीएमआरडीए’कडून वर्तुळाकार रस्त्याच्या पहिल्या टप्प्याचे काम सुरू
पुण्यात काँग्रेसला स्वबळावर अवघ्या दोन जागा

व्हिडिओ

ताज्या बातम्या
मुंबई: विजय केंकरे यांचे रंगभूमीवर शतक; ‘काळी राणी’ नाटकाचा ११ डिसेंबर रोजी प्रयोग
“माझ्या संसारात तिचा…” सिद्धार्थ जाधवचा बायकोबाबत खुलासा, मुलींच्या शिक्षणाविषयीही केलं भाष्य
शिवप्रतापदिन कार्यक्रम : उदयनराजेंच्या अनुपस्थितीवर मुख्यमंत्री शिंदेंची प्रतिक्रिया, म्हणाले…
एकनाथ शिंदेंच्या बंडाची आग्र्यातून शिवरायांच्या सुटकेशी तुलना करणाऱ्या लोंढाच्या वक्तव्यावर आदित्य ठाकरेंची प्रतिक्रिया, म्हणाले…
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स