पिंपरी-चिंचवडमध्ये सोनसाखळी चोरट्याने पोलिसांच्या डोळ्यांवर स्प्रे मारून पळून, जाण्याचा प्रयत्न केल्याची थरारक घटना निगडी प्राधिकरण परिसरात घडली आहे. यात पोलीस कर्मचारी सतीश ढोलेसह पोलीस मित्र जखमी झाले आहेत. मात्र जखमी अवस्थेतही पोलीस कर्मचारी सतीश ढोले यांनी चोरट्यास पकडून ठेवल्याने, अखेर या अट्टल चोरास अटक करण्यात पोलिसांना यश आले आहे. राजू खेमु राठोड असे सोनसाखळी चोरट्याचे नाव असल्याची माहिती समोर आली आहे. त्याच्यावर एकूण ५० गुन्हे दाखल असल्याची निगडी पोलिसांनी माहिती दिली आहे. 

या बातमीसह सर्व प्रीमियम कंटेंट वाचण्यासाठी साइन-इन करा

पोलिसांनी दिलेल्या माहितीनुसार, निगडी प्राधिकरण येथे उच्चभ्रू सोसायट्या आहेत. त्यामुळे त्या परिसरात सकाळी फिरायला जाण्याच प्रमाण देखील जास्त आहे. याचा फायदा सोनसाखळी चोरटे घ्यायचे. परिसरात सोनसाखळी चोरीच्या घटना देखील वाढल्या होत्या. याच पार्श्वभूमीवर निगडी पोलीस ठाण्याचे पोलीस कर्मचारी सतीश ढोले हे पहाटेच्या सुमारास गस्त घालत होते. तेव्हा, आरोपी राजू हा संशयास्पद दिसला, त्याला थांबविण्याचा सतीश ढोले यांनी प्रयत्न केला, मात्र तो पळून जात असताना त्याच्या दुचाकीला ढोले यांनी चारचाकी आडवी लावली. त्यानंतर गाडीतून उतरून राजूला पकडण्याचा त्यांनी प्रयत्न केला असता, दोघांमध्ये झटापट झाली.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Gold chain thieves and police clash in pimpari chinchwad msr 87 kjp
First published on: 30-11-2021 at 22:00 IST