पुणे: हिंदी चित्रपटसृष्टीतील सहकलाकारांना शस्त्राच्या धाकाने लुटले

पुणे: चित्रीकरणासाठी निघालेल्या चौघा सहकलाकारांना शस्त्राचा धाक दाखवून त्यांना लुटण्यात आल्याची घटना बी. टी. कवडे रस्त्यावर घडली.
याबाबत इम्रान खान (वय २१, रा. सय्यदनगर, महंमदवाडी रस्ता, हडपसर) याने या संदर्भात वानवडी पोलीस ठाण्यात फिर्याद दिली आहे.

आणखी वाचा

यशाची नवी समीकरणे!

विवेक अग्निहोत्रींच्या ‘द व्हॅक्सिन वॉर’ला सर्वत्र थंड प्रतिसाद, प्रेक्षकांना चित्रपटगृहाकडे खेचण्यासाठी निर्मात्यांनी दिली ‘ही’ लहास ऑफर

मैत्रीतल्या जांगडगुत्त्याची विनोदी कथा

सांगवीतील विद्यार्थ्यांचे गणेशोत्सवानिमित्त ‘थुंकी मुक्त रस्ता अभियान’; शर्मिला ठाकरे, उदयनराजे भोसले, प्रसाद लाड यांचा अभियानाला पाठिंबा

इम्रान खान हिंदी चित्रपटात सहकलाकार आहे. खान आणि त्याचे सहकारी हर्ष नाथे, जिशान पटणी चित्रीकरणासाठी मुंबईला निघाले होते. पहाटे चारच्या सुमारास ते बी. टी. कवडे रस्त्यावर बसची वाट पाहत थांबले होते. तेथील एका टपरीवर ते चहा प्यायला थांबले होते. त्या वेळी एक जण तेथे आला. त्याच्याबरोबर साथीदारही होते.

हेही वाचा… पुणे: सहायक पोलीस निरीक्षकाचा हृदयविकाराच्या झटक्याने मृत्यू

खान, नाथे, पटणी यांना तीक्ष्ण शस्त्राचा धाक दाखविला. चोरट्यांनी त्याच्या खिशातील रोकड काढून घेण्याचा प्रयत्न केला. खान याचे सहकारी नाथे आणि पटणी यांना मारहाण करुन त्यांच्याकडील रोकड आणि मोबाइल संच हिसकावून चोरटे अंधारात पसार झाले. पोलीस उपनिरीक्षक सोनवणे तपास करत आहेत.