दारु पिण्यासाठी, मौजमजेसाठी मॅनेजरनेच मारला हॉटेलच्या गल्ल्यावर डल्ला; बारा तासांत पुणे पोलिसांकडून आरोपीला अटक

हा आरोपी मूळचा उत्तर प्रदेशचा राहणारा असल्याची माहिती पोलिसांनी दिली आहे

crime robbery

जंगली महाराज रस्त्यावरील हॉटेलमधील गल्ल्यातील २२ हजारांची रोकड चोरी करून पसार झालेल्या मॅनेजरला शिवाजीनगर पोलिसांनी शिताफीने तपास करून अवघ्या बारा तासांच्या आत अटक केली. अजय सुरेश सक्सेना (रा. लिंकरोड, मुंबई, मूळ. रा. उत्तरप्रदेश) असे अटक करण्यात आलेल्याचे नाव आहे.

जंगली महाराज रस्त्यावर एका हॉटेलमध्ये आठ दिवसांपूर्वीच सक्सेना हा मॅनेजर म्हणून कामाला लागला होता. हॉटेलच्या गल्ल्यामध्ये साठलेली २२ हजारांची रक्कम घेऊन सक्सेना पळून गेला. हा प्रकार हॉटेलच्या सीसीटीव्ही मध्ये चित्रित झाला होता. याप्रकरणी शिवाजीनगर पोलिस ठाण्यात गुन्हा दाखल करण्यात आला.

शिवाजीनगर पोलिस आरोपीचा शोध घेत होते. तपास अधिकारी अतुल क्षीरसागर, शरद राऊत, बशीर सय्यद यांच्या पथकाने तपास करून आरोपीला गणेश पेठ मासळी बाजार. परिसरात पकडले. वरीष्ठ पोलीस निरीक्षक अरविंद माने, पोलीस निरीक्षक (गुन्हे) विक्रम गौड, यांच्या मार्गर्शनाखाली पोलीस उपनिरिक्षक अतुल क्षीरसागर यांच्या पथकाने ही कारवाई केली. सक्सेना याने दारू आणि मौजमजेसाठी पैसे उडवल्याचे उघडकीस आले आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Hotel manager arrest for robbing 22 thousands for alcohol pune print news scsg

Next Story
‘पुण्याचे मेट्रोमॅन’ शशिकांत लिमये काळाच्या पडद्याआड; हृदयविकाराच्या झटक्याने झालं निधन
ताज्या बातम्या
फोटो गॅलरी