पिंपरी: विधानसभेचे विरोधी पक्षनेते अजित पवार यांच्या उपस्थितीत पिंपरी-चिंचवड शहरातील सोसायट्यांचा मेळावा होणार आहे. सोसायटीधारकांना भेडसावणाऱ्या विविध समस्यांवर या ठिकाणी चर्चा होणार असून त्या सोडवण्याचे प्रयत्न पवारांच्या माध्यमातून केले जाणार आहेत. राष्ट्रवादी काँग्रेसचे शहराध्यक्ष अजित गव्हाणे व थेरगावचे माजी नगरसेवक संतोष बारणे, माया बारणे यांनी पत्रकार परिषदेत याबाबतची माहिती दिली. थेरगाव येथील संतोष मंगल कार्यालयात ५ ऑक्टोबरला सकाळी ८ वाजता हा मेळावा होणार आहे.अजित गव्हाणे म्हणाले की, शहरातील विविध सोसायटीधारकांना अनेक समस्यांना सामोरे जावे लागते. त्या समस्या सोडवण्याचा प्रयत्न या मेळाव्याच्या माध्यमातून केला जाणार आहे.