पिंपरी : शहरात सहा लाख २८ हजार मालमत्ता आहेत. त्यांपैकी पन्नास टक्के म्हणजेच तीन लाख नऊ हजार २३३ मालमत्ताधारकांनीच अडीच महिन्यांत ३६२ कोटी १२ लाख रुपयांचा करभरणा केला आहे. महापालिकेच्या विविध कर सवलतींचा लाभ घेण्यासाठी ३० जूनपर्यंत मुदत आहे.

महापालिकेच्या बांधकाम परवानगीतून मिळणाऱ्या उत्पन्नात घट झाली आहे. मालमत्ताकर हाच महापालिकेचा उत्पन्नाचा मुख्य स्रोत आहे. मागील पाच वर्षांत कोणतीही करवाढ केली नाही. त्याऐवजी महापालिकेने नवीन, वाढीव मालमत्तांचे सर्वेक्षण केले. त्यांची नोंदणी करून कर कक्षेत आणले. करआकारणी व करसंकलन विभागाने चालू आणि थकीत करवसुलीवर भर दिला आहे. सिद्धी उपक्रमांतर्गत महिला बचत गटामार्फत मालमत्ताधारकांना देयकांचे वितरण करण्यात आले. करसंकलन विभागाच्या वतीने मालमत्ताधारकांना विविध करसवलती देण्यात येत असून, या सवलतींची ३० जून मुदत आहे. त्यामुळे आर्थिक वर्षातील पहिल्या तिमाहीत कर भरण्याकडे मालमत्ताधारकांचा कल असतो. महापालिकेच्या वतीने करसंकलनासाठी १७ विभागीय कार्यालये आहेत. तसेच ऑनलाइनही सुविधा उपलब्ध आहे. मात्र, रोखीने कर भरण्याकडे अनेकांचा कल आहे.

Jio Airtel add 34 lakh subscribers in May
जिओ, एअरटेलच्या ग्राहकसंख्येत मे महिन्यात ३४ लाखांची भर; ग्राहकसंख्येत जिओ, एअरटेलची बाजी
local, accidents, injured,
लोकल अपघातात रोज सरासरी सात प्रवाशांचा मृत्यू, जखमींच्या संख्येत १५ टक्क्यांनी वाढ
mutual fund sip flows crosses to rs 21000 crore in june
‘एसआयपी’तून जूनमध्ये २१,००० कोटींचा ओघ
42 lakh new demat accounts added in june total crosses rs 16 crore
डिमॅट खाती १६ कोटींपुढे
More than eleven and a half thousand houses sold in Mumbai in June
जूनमध्ये मुंबईत साडेअकरा हजारांहून अधिक घरांची विक्री, मागील बारा वर्षातील जूनमधील सर्वाधिक गृहविक्री
Burglary of Rs 52 lakh in Kharghar
खारघरमध्ये ५२ लाख रुपयांची घरफोडी
Ganja, Charas, MD, thane,
ठाण्यातील तरुणाईला गांजा, चरस आणि एमडीचा विळखा; मागील दीड वर्षांत चार हजाराहून अधिक जणांविरोधात गुन्हे दाखल
Hajj Yatra
हज यात्रेत आतापर्यंत तेराशेहून अधिक यात्रेकरूंचा मृत्यू; बेजबाबदार ट्रॅव्हल कंपन्यांचे परवाने रद्द, नेमकं कारण काय?

हेही वाचा…आशियाई देशांना जूनमध्ये तीव्र उन्हाळ्याचा अनुभव

महापालिकेने सकाळी पावणेदहा ते सायंकाळी सहा या वेळेत करभरणा केंद्र सुरू ठेवली आहेत. त्यामुळे अडीच महिन्यांत तीन लाख नऊ हजार २३३ मालमत्ताधारकांनी ३६२ कोटी १२ लाख रुपयांचा महसूल महापालिका तिजोरीत जमा केल्याची माहिती सहायक आयुक्त नीलेश देशमुख यांनी दिली.

हेही वाचा…ऑस्ट्रेलिया, टांझानियातून हरभरा आयात? तुटवडा कमी करण्यासाठी ११ लाख टन आयातीची शक्यता

सुटीच्या दिवशीही कार्यालये सुरू

कर सवलतींचा लाभ घेण्यासाठी ३० जून मुदत आहे. या कालावधीत दोन शनिवार आणि दोन रविवार अशा चार सुट्या आहेत. नागरिकांच्या सोयीसाठी सुटीच्या चारही दिवशी करसंकलन कार्यालयातील केंद्र सकाळी पावणेदहा ते सायंकाळी सहापर्यंत सुरू राहणार आहेत.