पिंपरी : आगामी लोकसभा निवडणुकीच्या पार्श्वभूमीवर पिंपरी-चिंचवड पोलिसांनी सुरक्षेच्या दृष्टीने उपाययोजना करण्यासाठी तयारी सुरू केली आहे. पोलीस आयुक्त विनयकुमार चौबे यांनी एमआयडीसी भोसरी पोलीस ठाण्याच्या हद्दीतील जास्त बूथ संख्या असलेल्या तीन मतदान केंद्रांची पाहणी केली. मार्चच्या पंधरवड्यात लोकसभा निवडणुकीसाठी आचारसंहिता लागण्याची शक्यता आहे. त्यानुषंगाने निवडणूक आयोग, पोलीस आणि अन्य सर्व विभागांनी तयारी सुरू केली आहे. पिंपरी-चिंचवड पोलीस आयुक्तालयाच्या हद्दीत तीन लोकसभा मतदारसंघाचा भाग येतो.

मावळ लोकसभा मतदारसंघात पिंपरी, चिंचवड, निगडी, देहूरोड, रावेत, वाकड, तळेगाव, तळेगाव एमआयडीसी पोलीस ठाण्याचा काही भाग येतो. तर, शिरूर लोकसभा मतदारसंघातील भोसरी, एमआयडीसी भोसरी, चिखली, दिघी, आळंदी, चाकण, महाळुंगे एमआयडीसी पोलीस ठाण्यांचा भाग येतो. तर, हिंजवडी पोलीस ठाण्याचा काही परिसर बारामती लोकसभा मतदारसंघात येतो. त्यामुळे पिंपरी-चिंचवड पोलिसांना निवडणुका सुरळीत पार पाडण्यासाठी सुरक्षेच्या उपाययोजना कराव्या लागणार आहेत.

jalgaon voter awareness marathi news, jalgaon voter id marathi news
तुमचे गाव, सोसायटीला सुवर्ण, रौप्य, कांस्य यांपैकी कोणता फलक हवा ? मतदान टक्केवारी वाढीसाठी प्रशासनाचा अनोखा उपक्रम
Lok Sabha polls West Bengal elections
ममतादीदी आणि भाजपा आमनेसामने; एनआयएवरील हल्ल्याचं नेमकं प्रकरण काय?
Dindori, Sharad Pawar
दिंडोरीतून मार्क्सवाद्यांच्या माघारीने शरद पवार गटाला बळ
arvind kejriwal arrest news india bloc stands united behind arvind kejriwal
विरोधकांची निवडणूक आयोगाकडे धाव; केंद्रीय यंत्रणांच्या गैरवापराचा आरोप, निवडणुकीदरम्यान तपास संस्थांचे प्रमुख बदलण्याची मागणी

हेही वाचा : पिंपरी : लोकसभा निवडणुकांच्या पार्श्वभूमीवर तीन टोळ्यांवर ‘मोक्का’; १७ गुन्हेगार तडीपार

पोलीस आयुक्त विनयकुमार चौबे यांनी गुरुवारी एमआयडीसी भोसरी पोलीस ठाण्याच्या हद्दीत सर्वाधिक बूथसंख्या असलेल्या मतदान केंद्रांना भेट दिली. महादू सस्ते महापालिका शाळा बोऱ्हाडेवाडी, सावित्रीबाई फुले महापालिका शाळा मोशी गावठाण, नागेश्वर विद्यालय मोशी या मतदान केंद्राची, परिसराची पाहणी केली. यावेळी त्यांच्यासोबत परिमंडळ तीनचे पोलीस उपायुक्त शिवाजी पवार उपस्थित होते.