scorecardresearch

Premium

पिंपरी-चिंचवडमध्ये आता ठाकरे गटाचे ‘होऊ द्या चर्चा’ अभियान

शहरप्रमुख ॲड. सचिन भोसले, जिल्हा संघटिका सुलभा उबाळे यांच्या हस्ते ‘होऊ द्या चर्चा’ या अभियानाचे आणि पथनाट्याचे उद्घाटन तळवडे येथे करण्यात आले.

shivsena pimpri, hou dya charcha campaign, shivsena uddhav thackeray faction, shivsena hou dya charcha in pimpri
पिंपरी-चिंचवडमध्ये आता ठाकरे गटाचे ‘होऊ द्या चर्चा’ अभियान (छायाचित्र – लोकसत्ता टीम)

पिंपरी : काळा पैसा भारतात आला का, १५ लाख रुपये बँक खात्यात आले का, सर्वांना पक्की घरे मिळाली का, बेरोजगारांना नोकरी मिळाली का, पेट्रोल-डिझेलचे भाव कमी झाले का, नवीन उद्योगधंदे आले का, महागाई कमी झाली का, घरगुती गॅसवरील सबसिडी बंद का केली, असा जाब विचारत ‘होऊ द्या चर्चा’ अभियानांतर्गत ठाकरे गटाकडून नागरिकांमध्ये पथनाट्याद्वारे जनजागृती करण्यात येत आहे.

शहरप्रमुख ॲड. सचिन भोसले, जिल्हा संघटिका सुलभा उबाळे यांच्या हस्ते ‘होऊ द्या चर्चा’ या अभियानाचे आणि पथनाट्याचे उद्घाटन तळवडे येथे करण्यात आले. भोसरी विधानसभाप्रमुख धनंजय आल्हाट, उपजिल्हाप्रमुख नीलेश मुटके, शहर संघटक संतोष वाळके या वेळी उपस्थित होते.

shri krushna dwarka
श्रीकृष्णाची द्वारका खरंच पाण्याखाली आहे का? दंतकथा आणि पुरावे काय सांगतात? वाचा सविस्तर…
Supriya Sule pune
लोकांच्या कामासाठी कोणाकडेही जाण्यास काहीच अडचण नाही – सुप्रिया सुळे
Bhoomipujan of various development works in Uran by Rural Development Minister Girish Mahajan
ग्रामविकास मंत्री गिरीश महाजन यांच्याहस्ते उरणमधील विविध विकास कामांचे भूमिपूजन
hospital of Ulhasnagar
उल्हासनगरचे अत्याधुनिक रुग्णालय नागरिकांच्या सेवेत, मुख्यमंत्री एकनाथ शिंदे यांच्या हस्ते रुग्णालयाचे लोकार्पण

हेही वाचा : पिंपरी- चिंचवड: अजित पवार गटाला शह देण्यासाठी शरद पवार गटाचा सायकल दौरा!

रुपीनगर, चिखली, घरकुल, भोसरीतील छत्रपती शिवाजीमहाराज चौक, जय महाराष्ट्र चौक, दिघीमधील धर्मवीर संभाजी राजे चौक, आदर्श नगर संभाजीनगर, चौधरी पार्क, गणेशनगर येथे हे अभियान राबविण्यात येणार आहे. बुधवारी ११ ऑक्टोबर रोजी अभियानाचा समारोप होणार आहे. भोसरी मतदारसंघात रथ फिरवून नागरिकांशी संवाद साधण्यात येत आहे. केंद्र सरकारने दिलेल्या आश्वासनांची नागरिकांना आठवण करून देण्यात येत आहे.

हेही वाचा : “आत्मक्लेश करण्यासाठी आता यशवंतराव चव्हाणांच्या छायाचित्रासमोर बसा!”, रोहित पवार यांची अजित पवार यांच्यावर टीका

“होऊ द्या चर्चा अभियानातून सरकारच्या खोट्या आश्वासनांचा बुरखा फाडला जात आहे. महापालिकेच्या निवडणुका घेण्यास भाजप घाबरत आहे. प्रशासकीय राजवटीमुळे नागरिक त्रस्त आहेत. त्यांचा आक्रोश येणाऱ्या निवडणुकीत मतदान पेटीतून व्यक्त होण्याची जाणीव असल्यामुळेच निवडणुका घेतल्या जात नाहीत”, असे जिल्हा संघटिका सुलभा उबाळे यांनी म्हटले आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In pimpri shivsena uddhav thackeray faction organized hou dya charcha campaign pune print news ggy 03 css

First published on: 08-10-2023 at 12:45 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×