कौटुंबिक वादातून पतीने पत्नीवर चाकूने वार केल्याची घटना वारजे भागात घडली. या प्रकरणी पतीला वारजे पोलिसांनी अटक केली. हेमंत मधुकर साेनवणे (वय ३७, रा. वारजे माळवाडी) असे अटक करण्यात आलेल्या पतीचे नाव आहे. हेही वाचा - “‘लव्ह जिहाद’वर देशभरात बंदी घालावी”, तेलंगणाचे आमदार राजा भैय्या यांची मागणी; म्हणाले, “धर्मांतर..” हेही वाचा - पुणे : ‘धर्मवीर’ हीच छत्रपती संभाजी महाराजांची ओळख, शिवेंद्रराजे भोसलेंनी केलं अजित पवारांना लक्ष्य प्रियंका मधुकर साेनवणे (वय २६) असे गंभीर जखमी झालेल्या पत्नीचे नाव आहे. याबाबत प्रियंकाने वारजे पोलीस ठाण्यात फिर्याद दिली आहे. हेमंत आणि त्याची पत्नी प्रियंका यांच्यात वाद होत होते. वादातून हेमंतने प्रियंकाचा गळा दोरीने आवळला, तसेच तिच्यावर चाकूने वार केले. पत्नीचा खुनाचा प्रयत्न केल्याप्रकरणी हेमंतला अटक करण्यात आली असून, पोलीस उपनिरीक्षक पाटील या प्रकरणाचा तपास करत आहेत.